പൊലീസ് അതിക്രമങ്ങൾക്കെതിരെ ജനകീയ പ്രതിഷേധം സംഘടിപ്പിക്കും -എസ്.ഡി.പി.ഐ

പാലക്കാട്: ജില്ലയിലെ വിവിധ പൊലീസ് സ്റ്റേഷൻ പരിധികളിൽ കരുതൽ തടങ്കൽ എന്ന പേരിൽ നിരവധി പ്രവർത്തകരെയാണ് വീടുകളിൽനിന്ന്​ കൊണ്ടുപോയി അറസ്റ്റ് ചെയ്യുന്നതെന്ന് എസ്.ഡി.പി.ഐ ജില്ല നേതൃയോഗം കുറ്റപ്പെടുത്തി. കേസ് അന്വേഷണത്തിന്‍റെ പേരിൽ പൊലീസ് നടത്തുന്ന അതിക്രമങ്ങൾക്കെതിരെ ശക്തമായ ജനകീയ പ്രതിഷേധ പരിപാടികൾ സംഘടിപ്പിക്കും. ആർ.എസ്.എസിന്​ വേണ്ടിയുള്ള ഇത്തരം പൊലീസ് അതിക്രമങ്ങൾ ഉടൻ അവസാനിപ്പിക്കണം. ജില്ല പ്രസിഡന്‍റ്​ ഷെഹീർ ചാലിപ്പുറം അധ്യക്ഷത വഹിച്ചു. സംസ്ഥാന ജനറൽ സെക്രട്ടറിമാരായ പി.കെ. ഉസ്മാൻ, അജ്മൽ ഇസ്മാഈൽ, സംസ്ഥാന സമിതി അംഗം എസ്.പി. അമീറലി, ജില്ല ജനറൽ സെക്രട്ടറി കെ.ടി. അലവി, സെക്രട്ടറി വാസു വല്ലപ്പുഴ, അലി എന്നിവർ സംസാരിച്ചു.