വർഗീയ ചേരിതിരിവിനെതിരെ ജനങ്ങളെ അണിനിരത്തും -എ.കെ. ബാലൻ

പാലക്കാട്​: വർഗീയ ചേരിതിരിവ്​ ലക്ഷ്യമിട്ടുള്ള പ്രവർത്തനങ്ങളെ ജനങ്ങളെ അണിനിരത്തി എൽ.ഡി.എഫ്​ നേരിടുമെന്ന്​ സി.പി.എം കേന്ദ്ര കമ്മിറ്റി അംഗം എ.കെ. ബാലൻ. ഇത്തരം കൊലപാതകങ്ങൾ യാദൃശ്ചികമോ ഒറ്റപ്പെട്ടതോ അല്ല. സ്ഥലം നിശ്ചയിച്ചും സമയം നിശ്ചയിച്ചുമാണ്​ കൊലകൾ അരങ്ങേറുന്നത്​. ആസൂത്രിതമായ ഇത്തരം ചെയ്തികളെ നിസ്സാരമായി കാണാനാവില്ല. വർഗീയ ചേരിതിരിവാണ്​ ഇത്തരം ശക്​തികൾ​ ആഗ്രഹിക്കുന്നത്​. പാലക്കാട്​ ജില്ലയിലെ മതേതര-ജനാധിപത്യ പ്രസ്ഥാനങ്ങൾ അതിന്​ അവസരം ഉണ്ടാക്കിക്കൊടുക്കില്ലെന്നും ശക്തമായ ഇടപെടൽ നടത്തുമെന്നും​ എ.കെ. ബാലൻ പറഞ്ഞു.