ബസിൽനിന്ന്​ ഇറങ്ങുന്നതിനിടെ ഓട്ടോറിക്ഷ ഇടിച്ച് യുവാവിന് പരിക്ക്

തൃശൂർ: ശക്തൻ ബസ്​സ്റ്റാൻഡിൽ ബസിൽനിന്ന്​ ഇറങ്ങുന്നതിനിടെ ഓട്ടോറിക്ഷ ഇടിച്ച് ഇതര സംസ്ഥാനക്കാരനായ യുവാവിന് പരിക്കേറ്റു. ഛത്തിസ്ഗഢ്​ സ്വദേശി പ്രമോദ് കൽക്കോവിന് (36) ആണ് പരിക്കേറ്റത്. കൺട്രോൾ റൂം പൊലീസെത്തിയാണ് രക്ഷാപ്രവർത്തനം നടത്തിയത്. തൃശൂർ ആക്ട്സ് പ്രവർത്തകർ പ്രമോദ് കൽക്കോവിനെ തൃശൂർ ജനറൽ ആശുപത്രിയിൽ പ്രവേശിപ്പിച്ചു.