കോർപറേഷനിൽ അറിയിച്ചാൽ കുടിവെള്ളം എത്തിക്കും

തൃശൂർ: കോര്‍പറേഷന്‍ പരിധിയില്‍ കുടിവെള്ളം ലഭിക്കാതെ ബുദ്ധിമുട്ടുന്നവർ ബന്ധപ്പെട്ട ഡിവിഷന്‍ കൗണ്‍സിലര്‍ മുഖേന കോര്‍പറേഷനുമായി ബന്ധപ്പെട്ടാല്‍ കോര്‍പറേഷന്‍ കുടിവെള്ള വണ്ടിയില്‍ ജീവനക്കാര്‍ കുടിവെള്ളം എത്തിക്കും. കോര്‍പറേഷന്‍റെ പേരില്‍ മറ്റുചിലര്‍ ചില സന്നദ്ധ സംഘടനകൾ ഉപയോഗശൂന്യമായ സ്ഥലങ്ങളില്‍നിന്ന്​ മലിനജലം ശേഖരിച്ച് കുടിവെള്ള വിതരണം ചെയ്യുന്നതായി അറിവ് ലഭിച്ചിട്ടുണ്ട്. അത്തരം ഉപയോഗശൂന്യമായ കുടിവെള്ള വിതരണവുമായി കോര്‍പറേഷന് ഒരുബന്ധവുമില്ലെന്ന് മേയര്‍ അറിയിച്ചു.