ബൈക്കിലെത്തിയവർ യുവതിയുടെ മാല പൊട്ടിച്ചു

മണ്ണുത്തി: മുല്ലക്കരയിൽ റോഡരികിൽ നിൽക്കുകയായിരുന്ന യുവതിയുടെ മൂന്ന് പവൻ താലിമാല ബൈക്കിൽ എത്തിയവർ പൊട്ടിച്ച്​ കടന്നു. മുല്ലക്കര തെങ്ങോലപറമ്പിൽ വീട്ടിൽ ലിജോയിയുടെ ഭാര്യ ജോസ്മിയുടെ (25) മാലയാണ് കവർന്നത്. വെള്ളിയാഴ്ച വൈകീട്ട് ആറോടെയാണ് സംഭവം. ബൈക്കിലെത്തിയവരുടെ ചിത്രങ്ങൾ പരിസരത്തെ സി.സി.ടി.വി കാമറകളിൽ പരിശോധിച്ചുവരുകയാണ്. ഇവർ ധരിച്ച ഷർട്ട് പരിസരത്തുനിന്ന്​ ലഭിച്ചിട്ടുണ്ട്. മണ്ണുത്തി പൊലീസ് കേസെടുത്ത് അന്വേഷണം ആരംഭിച്ചു.