മയക്കുമരുന്ന് വ്യാപനത്തിനെതിരെ കൈകോർത്ത് യുവജന സുഹൃദ് കൂട്ടായ്മ

മയക്കുമരുന്ന് വ്യാപനത്തിനെതിരെ കൈകോർത്ത് യുവജന സുഹൃദ് കൂട്ടായ്മ മഞ്ചേരി: പുതുതലമുറയെ ഗ്രസിക്കുന്ന മദ്യ- മയക്കുമരുന്ന് വ്യാപനത്തെയും മയക്കുമരുന്ന് മാഫിയയെയും പ്രതിരോധിക്കാൻ വിദ്യാർഥി-യുവജന സംഘടനകൾ ഐക്യപ്പെടണമെന്ന് മഞ്ചേരി മണ്ഡലം യൂത്ത് ലീഗ് സംഘടിപ്പിച്ച സുഹൃദ് സംഗമം ചൂണ്ടിക്കാട്ടി. മയക്കുമരുന്ന് വ്യാപനത്തിനെതിരെ വിദ്യാർഥികൾക്കും യുവാക്കൾക്കുമിടയിൽ ബോധവത്​കരണം നടത്താനും തീരുമാനിച്ചു. വിവിധ മത-രാഷ്ട്രീയ-സംസ്കാരിക സംഘടനകളുടെ യുവജന നേതാക്കൾ പങ്കെടുത്ത സുഹൃദ് സംഗമവും ഇഫ്താർ മീറ്റും മണ്ഡലം മുസ്​ലിം ലീഗ് പ്രസിഡന്‍റ്​ വല്ലാഞ്ചിറ മുഹമ്മദലി ഉദ്ഘാടനം ചെയ്തു. മണ്ഡലം പ്രസിഡന്‍റ്​ സൈജൽ ആമയൂർ അധ്യക്ഷത വഹിച്ചു. മുസ്‌ലിം ലീഗ് മണ്ഡലം ജനറൽ സെക്രട്ടറി കണ്ണിയൻ അബൂബക്കർ, യൂത്ത് ലീഗ് ജില്ല വൈസ് പ്രസിഡന്‍റ്​ സലീൽ കോടശ്ശേരി, ജില്ല സെക്രട്ടറിമാരായ യൂസുഫ് വല്ലാഞ്ചിറ, നിഷാജ് എടപ്പറ്റ, മണ്ഡലം ജനറൽ സെക്രട്ടറി വി.എം. സജറുദ്ദീൻ മൊയ്തു, മണ്ഡലം ട്രഷർ വി.പി. ശംസുദ്ദീൻ എന്നിവർ സംസാരിച്ചു. വിവിധ സംഘടനകളെ പ്രതിനിധാനം ചെയ്ത്​​ ജസീർ കുരിക്കൾ, പി. രതീഷ് (ഡി.വൈ.എഫ്.ഐ), ആസാദ്‌ തമ്പാനങ്ങാടി (യൂത്ത് കോൺഗ്രസ്), അസീസ് (എ.ഐ.വൈ.എഫ്), സി.ടി. ജലീൽ (എസ്.കെ.എസ്.എസ്.എഫ്), സക്കീർ ഹുസൈൻ, നഹീം ഫാറൂഖി (ഐ.എസ്.എം), അംജദ്, ശബീർ (സോളിഡാരിറ്റി), അബ്ദുസ്സലാം സ്വലാഹി, നജ്മുദ്ദീൻ (വിസ്‌ഡം), ഉസാമ, ജുനൈസ് (മർകസുദ്ദ്​വ), കെ.എം. ഷുക്കൂർ മാസ്റ്റർ, ഡോ. കുഞ്ഞിമുഹമ്മദ് പുത്തലത്ത്, റഫീഖ് പയ്യനാട്, ഷാഫി രാമൻകുളം (കെ.എം.സി.സി) എന്നിവർ സംസാരിച്ചു. പൂക്കോയ തങ്ങൾ, എൻ.പി. മുഹമ്മദ്‌, അഡ്വ. എ.പി. ഇസ്മായിൽ, ഇ.എ. സലാം, അൻവർ കോയ തങ്ങൾ, യൂസുഫ് മരത്താണി എന്നിവരും സംബന്ധിച്ചു.