ഖുർആൻ സമ്മേളനം

കീഴുപറമ്പ്: ഖുർആൻ അവതരണം കൊണ്ട് പവിത്രമാക്കപ്പെട്ട റമദാൻ മാസത്തിൽ വിശുദ്ധ ഖുർആന്‍റെ നിർദേശങ്ങൾക്കനുസരിച്ച് ജീവിതം കെട്ടിപ്പടുക്കണമെന്ന് ശാന്തപുരം അൽജാമിഅ അൽഇസ്​ലാമിയ ശരീഅ ഫാക്കൽറ്റി ഡീൻ സമീർ കാളികാവ് പറഞ്ഞു. ജമാഅത്തെ ഇസ്​ലാമി അരീക്കോട് ഏരിയ സംഘടിപ്പിച്ച ഖുർആൻ സമ്മേളനത്തിൽ മുഖ്യപ്രഭാഷണം നടത്തുകയായിരുന്നു അദ്ദേഹം. പ്രബോധനം എക്സിക്യൂട്ടിവ് എഡിറ്റർ അഷ്റഫ് കീഴുപറമ്പ് പരിപാടി ഉദ്ഘാടനം ചെയ്തു. ഏരിയ സെക്രട്ടറി വി. ഷഹീദ് മാസ്റ്റർ അധ്യക്ഷത വഹിച്ചു. കെ. അബ്ദുൽ ഖാദർ, പ്രോഗ്രാം കൺവീനർ പ്രഫ. എം.കെ. മാസ്റ്റർ എന്നിവർ സംസാരിച്ചു. പി.വി. അബ്ദുറഹ്​മാൻ ഖിറാഅത്ത്​ നടത്തി.