കിണറ്റിൽ വീണ മധ്യവയസ്കയെ രക്ഷപ്പെടുത്തി

കുന്നംകുളം: ചൊവ്വന്നൂർ തേർമഠം റോഡിൽ കിണറ്റിൽ വീണ മധ്യവയസ്കയെ അഗ്നിസുരക്ഷ സേന രക്ഷപ്പെടുത്തി. തേർമഠം വീട്ടിൽ രാധയെയാണ് (59) രക്ഷപ്പെടുത്തിയത്. വ്യാഴാഴ്ച വൈകീട്ട് ഏഴിനാണ്​ 30 അടി താഴ്ചയുള്ള ചുറ്റുമതിലില്ലാത്ത കിണറ്റിൽ വീണത്. അസി. സ്റ്റേഷൻ ഓഫിസർ ജയകുമാറിന്റെ നേതൃത്വത്തിൽ കിണറ്റിൽ ഇറങ്ങിയാണ് രക്ഷപ്പെടുത്തിയത്. ആക്ട്സ് പ്രവർത്തകർ തൃശൂർ മെഡിക്കൽ കോളജ് ആശുപത്രിയിൽ എത്തിച്ചു.