കോൺഗ്രസ് നേതാവ് ബി.ജ.പിയിൽ ചേർന്നു

പാവറട്ടി: പാവറട്ടി മുൻ കോൺഗ്രസ് മണ്ഡലം സെക്രട്ടറിയും മുൻ പാവറട്ടി സർവിസ് സഹകരണ ബാങ്ക് പ്രസിഡന്‍റുമായിരുന്ന സി.എം. സബാസ്റ്റ്യൻ ബി.ജെ.പിയിൽ ചേർന്നു. പുത്തൂരിൽ നടന്ന ചടങ്ങിൽ ബി.ജെ.പി വൈസ് പ്രസിഡന്‍റ്​ സദാനന്ദൻ ഷാളണിയിച്ചു. ജില്ല പ്രസിഡന്‍റ്​ അഡ്വ. കെ.കെ. അനീഷ് കുമാർ, ജില്ല നേതാക്കളായ ഹരികുമാർ, ജസ്റ്റിൻ ജയ്ക്കബ് എന്നിവർ നേതൃത്വം നൽകി. പാർട്ടി നേതാക്കളുടെ അവഗണനയാണ് കോൺഗ്രസ് വിടാൻ കാരണമെന്ന് സബാസ്റ്റ്യൻ പറഞ്ഞു. വീടിനടുത്ത് നടക്കുന്ന സമര പരിപാടികൾ പോലും അറിയിക്കാറില്ലെന്നും പറയുന്നു.