ഞങ്ങളും കൃഷിയിലേക്ക്: വിത്തുകൾ വിതരണം ചെയ്തു

കരുവാരകുണ്ട്: ഗ്രാമപഞ്ചായത്തിലെ എല്ലാ വീടുകളെയും പച്ചക്കറി സ്വയംപര്യാപ്തമാക്കുന്ന 'ഞങ്ങളും കൃഷിയിലേക്ക്' പദ്ധതി കരുവാരകുണ്ടിൽ തുടങ്ങി. സർക്കാറിന്റെ നൂറുദിന കർമപദ്ധതിയിൽപെടുത്തി കൃഷിവകുപ്പ് നടപ്പാക്കുന്ന പദ്ധതിയാണിത്. ഗ്രാമപഞ്ചായത്ത് ഹാളിൽ നടന്ന ചടങ്ങിൽ വിത്തുകൾ കൈമാറി പ്രസിഡന്റ് വി.എസ്. പൊന്നമ്മ ഉദ്ഘാടനം ചെയ്തു. വൈസ് പ്രസിഡന്റ് മഠത്തിൽ ലത്തീഫ് അധ്യക്ഷത വഹിച്ചു. സ്ഥിരംസമിതി അധ്യക്ഷരായ ടി.കെ. ഉമ്മർ, ഷീന ജിൽസ്, അംഗങ്ങളായ നുഹ്മാൻ പാറമ്മൽ, എസ്. ഹസീന, ടി.പി. അറുമുഖൻ, കൃഷി ഓഫിസർ കെ. ഷഹനാസ് ബീഗം, ബേബി കല്ലിടുക്കി എന്നിവർ സംസാരിച്ചു. വാർഡുതല കർഷക സമിതി, എ.ഡി.സി അംഗങ്ങൾ എന്നിവർ സംബന്ധിച്ചു. Mn krkd krishi ഞങ്ങളും കൃഷിയിലേക്ക് പദ്ധതി വിത്തുകൾ കൈമാറി ഗ്രാമപഞ്ചായത്ത് പ്രസിഡന്റ് വി.എസ്. പൊന്നമ്മ ഉദ്ഘാടനം ചെയ്യുന്നു