മധു വധം: കേസ് ഏപ്രിൽ രണ്ടിലേക്ക് മാറ്റി

മണ്ണാർക്കാട്: അട്ടപ്പാടി മധു വധക്കേസ്​ തുടർനടപടികൾ മണ്ണാർക്കാട് സ്‌പെഷൽ കോടതി ജഡ്ജി കെ.എസ്. മധു ഏപ്രിൽ രണ്ടിലേക്ക് മാറ്റി. പണിമുടക്കിനെ തുടർന്ന് വാഹനങ്ങൾ ഇല്ലാത്തതിനാൽ പ്രതികൾക്ക് മുഴുവനായും ഹാജരാകാൻ കഴിയാത്തതിനെ തുടർന്നാണിത്. കുറ്റപത്രം വായിച്ച്​ കേൾപ്പിക്കാനുള്ള പന്ത്രണ്ടാം പ്രതി സജീവിനും ഹാജരാകാൻ കഴിഞ്ഞില്ല. രണ്ടിന്​ കുറ്റപത്രം വായിച്ചു കേൾപ്പിക്കാൻ ബാക്കിയുള്ള പ്രതിക്ക് കൂടി വായിച്ചുകേൾപ്പിച്ച ശേഷമാകും സാക്ഷി വിസ്താരമുൾപ്പെടെ നടപടികളിലേക്ക് നീങ്ങുക.