സിൽവർ ലൈനിനെതിരെ ബി, ജെ. പി. പദയാത്ര ഇന്ന്​

സിൽവർ ലൈനിനെതിരെ ബി.ജെ.പി പദയാത്ര ഇന്നുമുതൽ പരപ്പനങ്ങാടി: ബി.ജെ.പി ജില്ല പ്രസിഡൻറ് രവി തേലത്ത് നയിക്കുന്ന കെ റെയിൽ വിരുദ്ധ പദയാത്ര ബുധൻ, വ്യാഴം, വെള്ളി ദിവസങ്ങളിലായി നടക്കുമെന്ന് സംഘാടകർ വാർത്തസമ്മേളനത്തിൽ അറിയിച്ചു. വള്ളിക്കുന്ന് റെയിൽവേ സ്റ്റേഷൻ പരിസരത്ത് വൈകീട്ട് മൂന്നിന്​ ബി.ജെ.പി ദേശീയ സമിതി അംഗം സി.കെ. പത്മനാഭൻ പതാക കൈമാറി ഉദ്ഘാടനം ചെയ്യും. ആദ്യദിവസത്തെ യാത്ര പരപ്പനങ്ങാടിയിൽ സമാപിക്കും. 31ന് വൈകീട്ട്​ പദയാത്രയുടെ സമാപനം തിരൂരിൽ നടക്കും. സമാപന പൊതുയോഗം ബി.ജെ.പി സംസ്ഥാന ജനറൽ സെക്രട്ടറി എം.ടി. രമേശ് ഉദ്ഘാടനം ചെയ്യും. ഏപ്രിൽ ഒന്നിന്​ യാത്രയുടെ സമാപനം എടപ്പാൾ നടുവട്ടത്ത് ഇ. ശ്രീധരൻ ഉദ്ഘാടനം ചെയ്യും. സ്വാഗതസംഘം ചെയർമാൻ കെ.പി. വൽസരാജ്, ജനറൽ കൺവീനർ പി.വി. തുളസിദാസ്, പദയാത്ര കോഓഡിനേറ്റർ പി. ജഗന്നിവാസൻ, തിരൂരങ്ങാടി മണ്ഡലം പ്രസിഡന്‍റ്​ ശ്രീരാഗ് പി. മോഹൻ എന്നിവർ വാർത്തസമ്മേളനത്തിൽ സംബന്ധിച്ചു.