ചേലേമ്പ്രയിൽ അടച്ചിട്ട വീട്ടിൽനിന്ന് മോട്ടോർ മോഷണം പോയി

അടച്ചിട്ട വീട്ടിൽനിന്ന് മോട്ടോർ മോഷണം പോയി ചേലേമ്പ്ര: ചേലേമ്പ്രയിൽ അടച്ചിട്ട വീട്ടിൽ സാമൂഹിക വിരുദ്ധ ശല്യം. പുല്ലിപ്പറമ്പ് സ്വദേശി മാത്തോട്ടത്തിൽ വേലായുധൻ (കുട്ടി മോൻ) എന്നയാളുടെ ഉടമസ്ഥതയിൽ കുറ്റിപ്പാലയിലെ വീട്ടിൽനിന്ന്​ കിണറിൽ സ്ഥാപിച്ചിരുന്ന മോട്ടോർ മോഷ്ടിച്ചു. ദിവസങ്ങൾക്ക് മുമ്പ് ഇതേ വീട്ടിൽ ഉണ്ടായിരുന്ന കോണിയും എടുത്തുകൊണ്ട് പോയിരുന്നു. സംഭവത്തിൽ തേഞ്ഞിപ്പലം പൊലീസ് സ്റ്റേഷനിൽ പരാതി നൽകി. പരാതിയെ തുടർന്ന് പൊലീസ് സ്ഥലത്തെത്തി അ​ന്വേഷണം നടത്തി.