കുപ്രസിദ്ധ മോഷ്ടാവ് പിടിയിൽ

പുതുനഗരം: കൊല്ലങ്കോട്, പുതുനഗരം സ്റ്റേഷൻ പരിധികളിൽ മോഷണങ്ങൾ നടത്തിയ കേസിൽ കുപ്രസിദ്ധ മോഷ്ടാവ് കണ്ണമ്പ്ര സുലൈമാൻ (52) അറസ്റ്റിൽ. പുതുനഗരം, കൊല്ലങ്കോട് പരിധികളിൽ നിന്ന്​ ബൈക്കുകൾ മോഷണം പോയ കേസുകളിലാണ് അറസ്റ്റ്. മാസങ്ങൾക്കുമുമ്പ് മോഷണങ്ങളുമായി ബന്ധപ്പെട്ട് പുതുനഗരം പൊലീസ് ഇയാളെ അറസ്റ്റ് ചെയ്ത്തിരുന്നു. ഈ കേസുകളിൽ ജാമ്യമെടുത്ത് മാർച്ച് ഒമ്പതിനാണ് പുറത്തിറങ്ങിയത്. ചിറ്റൂർ ഡിവൈ.എസ്​.പി സുന്ദരന്റെ നേതൃത്വത്തിൽ കൊല്ലങ്കോട്, പുതുനഗരം ഇൻസ്പെക്ടർമാരായ വിപിൻദാസ്, ആദം ഖാൻ എന്നിവരുടെ മേൽനോട്ടത്തിലാണ്​ അന്വേഷണം നടന്നത്​. എസ്.ഐമാരായ ഷാഹുൽ, കെ. അജിത്, സിവിൽ പൊലീസ് ഓഫിസർമാരായ ലിധീഷ്, കെ. ലൈജു തുടങ്ങിയവരാണ്​ പ്രതിയെ തമിഴ്നാട്ടിലെ ചിദംബരത്തിന് അടുത്തുനിന്ന് അറസ്റ്റ് ചെയ്തത്. ഇയാൾക്കെതിരെ ആലത്തൂർ, വടക്കാഞ്ചേരി, നെന്മാറ, കൊല്ലങ്കോട്, ചിറ്റൂർ, കുഴൽമന്ദം സ്റ്റേഷനുകളിൽ കേസുകളുണ്ട്. pew-klgd സുലൈമാൻ