ഏഴ്​ പദ്ധതികളുടെ ഉദ്​ഘാടനം

കൽപകഞ്ചേരി: കൽപകഞ്ചേരി ഗ്രാമപഞ്ചായത്ത്‌ രണ്ടാം വാർഡിൽ ഗ്രാമപഞ്ചായത്ത്‌ പ്രസിഡന്റ്‌ കെ.പി. വഹീദ നിർവഹിച്ചു. ചോലക്കാട് കാരാട്ട് റോഡ് റീടാറിങ്, കിഴക്കേപുറം ചിറ്റാണി റീടാറിങ്, ചിറ്റാണി തറയിൽ റോഡ് റീടാറിങ്, കിഴക്കേപുറം അംഗൻവാടി കസ്തൂരി റോഡ് ടാറിങ്, ഒ. മജീദ് ബാബു സ്മാരക മേലെതൊടു കരിങ്ങായി റോഡ് ടാറിങ്, മേലെതൊടു തൂമൻകുഴി റോഡ് സൈഡ് വൈഡനിങ്​, വാരിയത്ത് അംഗൻവാടി ചുറ്റുമതിൽ തുടങ്ങിയ പദ്ധതികളാണ് പൂർത്തിയാക്കിയത്. വൈസ് പ്രസിഡന്റ്‌ അടിയാട്ടിൽ ബഷീർ അധ്യക്ഷത വഹിച്ചു. വാർഡ് മെംബർ ടി.പി. ഇബ്രാഹിം, ബ്ലോക്ക്‌ മെംബർ സാബിറ എടത്തടത്തിൽ, മുൻ മെംബർമാരായ ഫൈനുഷ, പി.പി. വേലായുധൻ, തൈക്കാടൻ അബ്ദു, പി.ടി. ഹബീബ്, പി.ടി. ജമാൽ, എം. സലാം, ടി.പി. അബ്ദുറഹ്മാൻ തുടങ്ങിയവർ പങ്കെടുത്തു.