പുതിയ മോട്ടോർ പ്രവർത്തിച്ചുതുടങ്ങി; കർഷകർക്ക് ആശ്വാസം

തിരുനാവായ: ലിഫ്റ്റ്​ ഇറിഗേഷൻ പമ്പ് ഹൗസിൽ പുതിയ മോട്ടോർ പ്രവർത്തിച്ചുതുടങ്ങി. മോട്ടോർ ഫിറ്റ് ചെയ്തിട്ട് വർഷങ്ങളായെങ്കിലും പ്രവർത്തിപ്പിക്കാത്തതിനാൽ വേനലിൽ ഹെക്ടർ കണക്കിന്​ നെൽകൃഷി ഉണങ്ങി നശിക്കുന്ന സ്ഥിതിയാണുണ്ടായിരുന്നത്. ഇതേത്തുടർന്ന് കർഷകർ നിരന്തരം പരാതി ഉയർത്തിയിരുന്നു. കഴിഞ്ഞ ദിവസം മാധ്യമങ്ങൾ വാർത്തയാക്കിയതോടെയാണ് അധികൃതർ മോട്ടോർ പ്രവർത്തിപ്പിക്കാൻ നടപടി സ്വീകരിച്ചത്.