ചൊവ്വന്നൂർ ബ്ലോക്ക് ബജറ്റ്​: ഭിന്ന ലിംഗക്കാർക്ക് തൊഴിലവസരം, പാർപ്പിടം

കുന്നംകുളം: ഭിന്നലിംഗക്കാർക്ക് തൊഴിലവസരം, പാർപ്പിടം എന്നിവ ഉറപ്പാക്കിയുള്ള സമഗ്ര പദ്ധതിക്ക് മുൻതൂക്കം നൽകി ചൊവ്വന്നൂർ ബ്ലോക്ക് പഞ്ചായത്ത് ബജറ്റ്. 40,55,26,306 രൂപ വരവും 40,52,30,706 രൂപ ചെലവും 2,95,600 രൂപ മിച്ചവും വരുന്ന ബജറ്റ് ബ്ലോക്ക് പഞ്ചായത്ത് വൈസ് പ്രസിഡന്‍റ്​ കെ.ജി. പ്രമോദ് അവതരിപ്പിച്ചു. ലോകകപ്പ് ഫുട്ബാൾ നടക്കുന്ന പശ്ചാത്തലത്തിൽ തെരഞ്ഞെടുക്കപ്പെട്ട വായനശാലകൾക്ക് എൽ.സി.ഡി പ്രോജക്ടർ വിതരണം ചെയ്യും. ബ്ലോക്ക്​ പഞ്ചായത്ത് ഹാളിൽ നടന്ന ബജറ്റ് അവതരണ യോഗത്തിൽ പ്രസിഡന്‍റ്​ ആൻസി വില്യംസ് അധ്യക്ഷത വഹിച്ചു. യോഗത്തിൽ പങ്കെടുക്കാനെത്തിയവർക്ക് ആയൂർജാക്ക് വിഭാഗത്തിലുള്ള പ്ലാവിൻ തൈകൾ വിതരണം ചെയ്തു. സെക്രട്ടറി കെ.എം. വിനീത്, വികസനകാര്യ സ്ഥിരം സമിതി ചെയർപേഴ്സൻ രജിത ഷിബു എന്നിവർ സംസാരിച്ചു.