ചാവക്കാട്‌ ബ്ലോക്ക്‌ പഞ്ചായത്ത്​ ബജറ്റ്​ ആരോഗ്യ, ടൂറിസം മേഖലക്ക് മുൻഗണന

ചാവക്കാട്‌ ബ്ലോക്ക്‌ പഞ്ചായത്ത്​ ബജറ്റ്​ ആരോഗ്യ, ടൂറിസം മേഖലക്ക് മുൻഗണന ചാവക്കാട്: ചാവക്കാട്​ ബ്ലോക്ക്​ പഞ്ചായത്ത്​ ബജറ്റിൽ ആരോഗ്യ, ടൂറിസം മേഖലക്ക്​ മുൻഗണന. 48.88 കോടി വരവും 48.68 കോടി ചെലവും 20.46 ലക്ഷം രൂപ മിച്ചവും പ്രതീക്ഷിക്കുന്ന ബജറ്റാണ്‌ വൈസ്‌ പ്രസിഡന്‍റ്​ മന്ദലാംകുന്ന്‌ മുഹമ്മദുണ്ണി അവതരിപ്പിച്ചത്‌. ബജറ്റില്‍ സേവന മേഖലക്ക്​ മാത്രം 27.91 കോടി രൂപ മാറ്റിവെച്ചിട്ടുണ്ട്​. പശ്ചാത്തല മേഖല, ഉൽപാദന മേഖല, ഭവന നിർമാണം, മാലിന്യ നിർമാർജന പദ്ധതികൾ, കളിസ്ഥലം ഉൾപ്പെടെ ക്ലബുകൾക്കും വായനശാലകൾക്കും യുവജനക്ഷേമ പരിപാടികൾ, ക്ഷീരകർഷക വികസനം ഉൾപ്പെടെ കാർഷികരംഗത്ത് വികസനം, വൃദ്ധ വികലാംഗ ശിശുക്ഷേമം തുടങ്ങിയ എല്ലാ മേഖലക്കും ബജറ്റിൽ പരിഗണന നല്‍കിയിട്ടുണ്ട്‌. പ്രസിഡന്‍റ്​ മിസ്‌രിയ മുസ്‌താക്കലി അധ്യക്ഷത വഹിച്ചു. പഞ്ചായത്ത്‌ പ്രസിഡന്‍റുമാരായ ഫസലുൽ അലി, ഹസീന താജുദ്ദീൻ, ജാസ്മിൻ ഷഹീർ, ടി.വി. സുരേന്ദ്രൻ, വി.സി. ഷാഹിബാൻ, സ്റ്റാൻഡിങ്​ കമ്മിറ്റി അധ്യക്ഷന്മാരായ ഫാത്തിമ ലീനസ്, കെ. ആഷിദ, ഖമറുദ്ദീൻ, അംഗങ്ങൾ എന്നിവർ പങ്കെടുത്തു.