ഹോളിക്രോസ് സ്കൂൾ മെറിറ്റ് ഡേ ആഘോഷം

കുന്നംകുളം: ആർത്താറ്റ് ഹോളി ക്രോസ്​ സി.ബി.എസ്.ഇ സ്കൂളിൽ മെറിറ്റ് ഡേ ആഘോഷിച്ചു. 2020-2021 അധ്യയന വർഷത്തിൽ ഉന്നത വിജയം കരസ്ഥമാക്കിയവരെയും ഫുൾ എ വൺ സ്വന്തമാക്കിയവരെയും ഓരോ വിഷയങ്ങളിലും ഒന്നാം സ്ഥാനം നേടിയവരെയും ആദരിച്ചു. മെറിറ്റ് ഡേ നഗരസഭ ചെയർപേഴ്സൺ സീത രവീന്ദ്രൻ ഉദ്​ഘാടനം ചെയ്തു. സ്കൂൾ അസി. മാനേജർ ഫാ. ഫെബിൻ കൂത്തൂർ അധ്യക്ഷത വഹിച്ചു. പ്രിൻസിപ്പൽ ഫാ. സോളി തട്ടിൽ, എം.പി.ടിഎ പ്രസിഡന്റ്‌ ജ്യോത്സന ബിജോയ്, വൈസ് പ്രിൻസിപ്പൽ എസ്.പി. മിനി എന്നിവർ സംസാരിച്ചു.