മയക്കുഗുളികയുമായി ബംഗാളി അറസ്റ്റിൽ

മയക്കുഗുളികയുമായി ബംഗാൾ സ്വദേശി അറസ്റ്റിൽ ചാവക്കാട്: മനോരോഗികൾക്ക് ഡോക്ടർ നിർദേശിക്കുന്ന നൈട്രാസെപാം ഗുളികകളുമായി ബംഗാൾ സ്വദേശി അറസ്റ്റിൽ. വെസ്റ്റ് ബംഗാൾ ജെയ്പാൽഗിരി രാംറോജ സ്വദേശി പ്രവീൺ എന്ന സന്ദീപിനെ (29) ആണ്​ ചാവക്കാട് ബസ് സ്റ്റാൻഡ് പരിസരത്തുനിന്ന് പിടികൂടിയത്. ഇയാളിൽനിന്ന് 350 നൈട്രാസെപാം ഗുളികകൾ പൊലീസ് കണ്ടെടുത്തു. മയക്കുമരുന്നിന്റെ പരിധിയില്‍ വരുന്ന നൈട്രാസെപാം ഗുളികകൾ ഒരെണ്ണത്തിന് 200 രൂപ വച്ചാണ് വില്പന നടത്തിയിരുന്നത്. മദ്യം, കഞ്ചാവ് എന്നിവയേക്കാൾ ലഹരിയുള്ള ഇത്തരം ഗുളികകള്‍ ഇയാൾക്ക് എങ്ങനെ ലഭിച്ചെന്ന അന്വേഷണത്തിലാണ് പൊലീസ്. ചാവക്കാട് ഇൻസ്പെക്ടർ എസ്.എച്ച്.ഒ ബോബിൻ മാത്യുവിന് ലഭിച്ച വിവരത്തെ തുടർന്ന് എസ്.ഐ സിനോജ്, എ.എസ്.ഐ സജിത്ത്, സി.പി.ഒമാരായ ആഷിഷ്, ശരത്ത്, മെൽവിൻ പ്രദീപ് എന്നിവരടങ്ങിയ സംഘമാണ് പ്രതിയെ പിടികൂടിയത്. ഫോട്ടോ: TCC CKD Arrest Sandeep: സന്ദീപ്