മുഴുവൻ സ്കൂളുകളിലും ഫർണിച്ചർ നൽകാൻ മഞ്ചേരി നഗരസഭ

മുഴുവൻ സർക്കാർ സ്കൂളുകളിലും ഫർണിച്ചർ നൽകാൻ മഞ്ചേരി നഗരസഭ മഞ്ചേരി: നഗരസഭയിലെ മുഴുവൻ ഗവ. സ്കൂളുകളിലും ഫർണിച്ചറുകൾ നൽകാൻ പദ്ധതി തയാറാക്കി നഗരസഭ. 19 സ്കൂളുകളിലേക്ക്​ 59 ലക്ഷം രൂപ ചെലവഴിച്ചാണ്​ ബെഞ്ച്, ഡസ്ക്, മേശ, അലമാര എന്നിവ നൽകുക. പദ്ധതിയുടെ മുനിസിപ്പൽതല ഉദ്ഘാടനം മഞ്ചേരി ഗവ. ഗേൾസ് ഹയർ സെക്കൻഡറി സ്കൂളിൽ ചെയർപേഴ്സൻ വി.എം. സുബൈദ നിർവഹിച്ചു. വിദ്യാഭ്യാസ സ്ഥിരംസമിതി ചെയർമാൻ ടി.എം. നാസർ അധ്യക്ഷത വഹിച്ചു. സ്ഥിരംസമിതി അധ്യക്ഷരായ വല്ലാഞ്ചിറ ഫാത്തിമ, ജസീനാബി അലി, കൗൺസിലർമാരായ എം. ഹുസൈൻ ഹാജി, എൻ.കെ. ഖൈറുന്നീസ, ടി. ശ്രീജ, ചിറക്കൽ രാജൻ, പി.ടി.എ പ്രസിഡന്‍റ്​ എൻ.ടി. ഫാറൂഖ്, പ്രിൻസിപ്പൽ ശോഭ ആന്‍റോ, രജനി മാത്യു, പ്രധാനാധ്യാപിക എം. സന്തോഷ് കുമാരി, എസ്.എം.സി വൈസ് ചെയർമാൻ വല്ലാഞ്ചിറ നാസർ, സ്റ്റാഫ് സെക്രട്ടറി സി.ടി. മുഹമ്മദ് ബഷീർ, കെ. കൃഷ്ണകുമാർ, അബ്ദുൽ സലാം എന്നിവർ സംസാരിച്ചു. me girls : മഞ്ചേരി നഗരസഭയിലെ ഗവ. സ്കൂളുകളിലേക്കുള്ള ഫർണിച്ചർ വിതരണം ഗവ. ഗേൾസ് ഹയർ സെക്കൻഡറി സ്കൂളിൽ ചെയർപേഴ്സൻ വി.എം. സുബൈദ ഉദ്ഘാടനം ചെയ്യുന്നു