കെ.പി.സി.ടി.എ 'അതിജീവനം' സമാപിച്ചു

തൃശൂർ: കേരള പ്രൈവറ്റ് കോളജ് ടീച്ചേഴ്​സ്​ അസോസിയേഷൻ കാലിക്കറ്റ് മേഖലയുടെ 'അതിജീവനം' പദ്ധതിയുടെ സമാപനം ഡി.സി.സി ഓഫിസിൽ നടന്നു. പഠനോപകരണം, മൊബൈൽ ഫോൺ, പുസ്തകങ്ങൾ, സ്​കോളർഷിപ്​, ചികിത്സ സഹായം, സാമ്പത്തിക സഹായം എന്നിവയായി 50​ ലക്ഷത്തോളം രൂപയുടെ ധനസഹായമാണ് മേഖലയിൽ നൽകിയത്​. സമാപന സമ്മേളനം ഡി.സി.സി പ്രസിഡന്‍റ്​ ജോസ് വള്ളൂർ ഉദ്​ഘാടനം ചെയ്തു. സംസ്ഥാന ട്രഷറർ ഡോ. മുഹമ്മദലി, സെക്രട്ടറി ഡോ. ഇ.എഫ്​. വർഗീസ്, കാലിക്കറ്റ് മേഖല പ്രസിഡന്‍റ്​ ഡോ. ടി.കെ. ഉമ്മർ ഫാറൂഖ്, സെക്രട്ടറി ഡോ. മുഹമ്മദ് അസ്‌ലം, ഡോ. ബിജു ജോൺ, ജില്ല പ്രസിഡന്‍റ്​ ഡോ. കെ.ജെ. വർഗീസ്, സെക്രട്ടറി ഡോ വി.എം. ചാക്കോ, പ്രഫ. രഞ്ജിത് വർഗീസ് തുടങ്ങിയവർ സംസാരിച്ചു.