യുദ്ധത്തിനെതിരെ സമാധാനത്തിന്റെ കൈയൊപ്പുമായി വിദ്യാർഥികൾ

അരീക്കോട്: യുദ്ധത്തിനെതിരെ സമാധാനത്തിന്റെ കൈയൊപ്പ് ചാർത്തി അരീക്കോട് ഗവ. ഹയർ സെക്കൻഡറി സ്കൂൾ സ്കൗട്ട്സ് ആൻഡ്​ ഗൈഡ്സ് വിദ്യാർഥികൾ. സ്കൂൾ മുറ്റത്ത് ഒരുക്കിയ വലിയ കാൻവാസിൽ 'സ്റ്റോപ്പ്​ വാർ, ബ്രിങ്​ പീസ്' സന്ദേശം എഴുതി പ്രധാനാധ്യാപകൻ സലാവുദ്ദീൻ പുല്ലത്ത് ഉദ്ഘാടനം നിർവഹിച്ചു. സ്കൗട്ട്സ് ആൻഡ്​ ഗൈഡ്സ് കാഡറ്റുകൾ യുദ്ധവിരുദ്ധ സന്ദേശങ്ങൾ എഴുതി ഒപ്പ് ചാർത്തി. അധ്യാപകരായ ഇ. സോമൻ, വി. അബ്ദുല്ല, ഉമാദേവി, ജോളി ജോസഫ് എന്നിവർ യുദ്ധവിരുദ്ധ സന്ദേശം നൽകി. സ്കൗട്ട് മാസ്റ്റർ സാബിക്​ മോൻ പൂവത്തി, ഗൈഡ് ക്യാപ്റ്റൻ റോസിലി മാത്യു എന്നിവർ നേതൃത്വം നൽകി.