ഓരാഴ്ചത്തെ ദുരിത ജീവിതത്തിനറുതി; യുക്രെയ്​നിൽനിന്ന് ഷഹൽ നാട്ടിലെത്തി

ചങ്ങരംകുളം: ഓരാഴ്ചത്തെ ദുരിത ജീവിതത്തിന് ശേഷം ചങ്ങരംകുളം കക്കിടിക്കൽ സ്വദേശി ഷഹലും സുഹൃത്തുക്കളും യുക്രെയ്​നിൽനിന്ന് നാട്ടിലെത്തി. ശനിയാഴ്ച രാവിലെ 11 മണിയോടെ ചങ്ങരംകുളത്തെത്തിയ ഷഹലിനെ പിതാവ് സാലിഹും സഹോദരങ്ങളും ചേർന്ന് സ്വീകരിച്ചു. യുദ്ധം തുടങ്ങിയത് മുതൽ ഭീതിയോടെയാണ്​ കഴിഞ്ഞതെന്നും തങ്ങൾക്കൊപ്പം ഉണ്ടായിരുന്ന 650ഓളം വിദ്യാർഥികളും സുരക്ഷിതമായി നാട്ടിലെത്തിയതായും ഷഹൽ പറഞ്ഞു. ഫോട്ടോ: യുക്രെയ്​നിൽനിന്ന് സഹൽ (തൊപ്പിയിട്ടയാൾ) നാട്ടിലെത്തിയപ്പോൾ