ലത മ​ങ്കേഷ്കർ സ്മരണാഞ്ജലി ഇന്ന്​

തൃശൂർ: ആസാദി കാ അമൃത് മഹോത്സവ'ത്തിന്റെ ഭാഗമായി ജില്ല ഇന്‍ഫര്‍മേഷന്‍ ഓഫിസ് സംഘടിപ്പിക്കുന്ന ലത മങ്കേഷ്‌കര്‍ സ്മരണാഞ്ജലി 'സത്യം ശിവം സുന്ദരം' ഞായറാഴ്ച വൈകീട്ട് 5.30ന് സംഗീതനാടക അക്കാദമി കെ.ടി. മുഹമ്മദ് സ്മാരക തിയറ്ററില്‍ നടക്കും. മന്ത്രി കെ. രാജന്‍, കലക്ടര്‍ ഹരിത വി. കുമാര്‍, ജയരാജ് വാര്യര്‍ എന്നിവര്‍ പങ്കെടുക്കും. ചലച്ചിത്ര നിരൂപകന്‍ ഇ. ജയകൃഷ്ണന്‍ അനുസ്മരണ പ്രഭാഷണം നടത്തും. ഗായകരായ റീന മുരളി, ജ്ഞാനശേഖര്‍, പ്രമീള ദാസ്, നിരന്‍ജോയ്, സലില്‍, റൂഷേല്‍ റോയ്, സംയുക്ത സുരേഷ്, മീര രവീന്ദ്രന്‍ എന്നിവര്‍ ലത മങ്കേഷ്‌കര്‍ അനശ്വരമാക്കിയ ഗാനങ്ങള്‍ ആലപിക്കും. പ്രവേശനം സൗജന്യമാണ്​.