പൊള്ളാച്ചി പാതയിൽ സേഫ്റ്റി കമീഷണറുടെ പരിശോധന ഇന്നും നാളെയും

പുതുനഗരം: ഞായർ, തിങ്കൾ ദിവസങ്ങളിൽ പാലക്കാട്-പൊള്ളാച്ചി-പഴനി പാതയിൽ റെയിൽവേ സേഫ്​റ്റി കമീഷണർ പരിശോധന നടത്തും. ദക്ഷിണ റെയിൽവേ സേഫ്റ്റി കമീഷണർ അഭയ്കുമാർ റായിയാണ് പരിശോധന നടത്തുന്നത്. പാലക്കാട്​-പൊള്ളാച്ചി പാതയിൽ ഞായറാഴ്​ച ഓവർ ഹെഡ് ഇലക്ട്രിക്കൽ സംവിധാനം ചാർജ്​ ചെയ്യും. വിരുതുനഗർ-മധുര പാതയിലെ പരിശോധന കഴിഞ്ഞാണ് പഴനി-പൊള്ളാച്ചി ലൈനിലും പൊള്ളാച്ചി-പാലക്കാട് ലൈനിലും പരിശോധന നടത്തുന്നത്. തിങ്കളാഴ്ചയാണ്​ പാലക്കാട് പരിശോധന. സേഫ്റ്റി കമീഷറുടെ പരിശോധനയുടെ ഭാഗമായി അന്തിമഘട്ട പരിശോധനക്ക് പ്രത്യേക ട്രെയിനിൽ എൻജിനീയർമാർ പരിശോധന നടത്തി. pew-klgd പുതുനഗരത്ത് വൈദ്യുതലൈൻ പരിശോധിക്കുന്ന റെയിൽവേ എൻജിനീയർമാരുടെ സംഘം