തണ്ണീർത്തട പക്ഷി സർവേ നടത്തി

മലപ്പുറം: വനം വന്യജീവി വകുപ്പ്​, മലപ്പുറം സോഷ്യൽ ഫോറസ്​ട്രി ഡിവിഷനുകളുടെ നേതൃത്വത്തിൽ തിരുനാവായ തണ്ണീർത്തടങ്ങളിൽ പക്ഷികളുടെ സർ​വേ നടത്തി. ഫ്രണ്ട്​സ്​ ഓഫ്​ നാച്വർ, റീ എക്കൗ തിരുനാവായ സംഘടനകളുടെ സഹകരണത്തോടെ പട്ടർനടക്കാവ്​, കുണ്ടിലങ്ങാടി, വലിയപറപ്പൂർ, പല്ലാർ കായൽ, ചെമ്പിക്കൽ, മഞ്ചാടി, സൗത്ത്​ പല്ലാർ, ബന്ദർ, താമരക്കുളം, കൊടക്കൽ എന്നിവിടങ്ങളിലാണ്​ സർവേ നടത്തിയത്​. തണ്ണീർത്തടപക്ഷികളുടെ സംരക്ഷണത്തിൽ പൊതുജനങ്ങൾക്ക്​ അവബോധം നൽകുന്നതിനും തണ്ണീർത്തടങ്ങളിലെ പക്ഷികളുടെ ആവാസവ്യവസ്ഥ മനസ്സിലാക്കുന്നതിനും​ വിവരങ്ങൾ ശേഖരിക്കുന്നതിനുമാണ്​ സർവേ നടത്തിയത്​. മലപ്പുറം സോഷ്യൽ ​ഫോറസ്​ട്രി ഡെപ്യൂട്ടി കൺസർവേറ്റർ ഓഫ്​ ഫോറസ്റ്റ്​സ്​ വി. സജികുമാർ, പക്ഷി നിരീക്ഷകരായ ഡോ. ബിനു, ശ്രീനില മഹേഷ്​, റഫീക്ക്​ ബാബു, വിവേക്​, സൽമാൻ മാസ്റ്റർ തുടങ്ങിയവരുടെ നേതൃത്വത്തിലാണ്​ സർ​വേ നടത്തിയത്​. 200ൽപരം പക്ഷികളുടെയും വുള്ളിനെക്​ഡ്​ സ്​റ്റോർക്ക്​, യുറേഷ്യൻ മാർഷ്​ ഹാരിയർ തുടങ്ങി അപൂർവ ഇനത്തിൽപ്പെട്ട പക്ഷികളെയും സർവേയിൽ കണ്ടെത്തി. റേഞ്ച്​ ഓഫിസർമാരായ മുഹമ്മദ്​ നിഷാൽ പുളിക്കൽ, രാജീവൻ, അനസ്​ കുറ്റൂർ, ഉമ്മർ ചിറക്കൽ, കെ.പി. അലവി എന്നിവർ പ​ങ്കെടുത്തു. m3 aslm1 thanneerthadam വനം വന്യജീവി വകുപ്പ്​, മലപ്പുറം സോഷ്യൽ ഫോറസ്​ട്രി ഡിവിഷനുകളുടെ നേതൃത്വത്തിൽ തിരുനാവായ തണ്ണീർത്തടങ്ങളിൽ നടത്തിയ പക്ഷികളുടെ സർ​വേ