'സ്വകാര്യ സര്‍വകലാശാലകളുടെ കടന്നുകയറ്റം അനുവദിക്കില്ല'

തേഞ്ഞിപ്പലം: കേരളത്തിലെ സര്‍വകലാശാലകളെയും ഉന്നത വിദ്യാഭ്യാസരംഗത്തെയും തകര്‍ച്ചയിലേക്ക് കൂപ്പുകുത്തിക്കാന്‍ സംസ്ഥാനത്ത് സ്വകാര്യ സര്‍വകലാശാലകള്‍ അനുവദിക്കാനുള്ള സര്‍ക്കാര്‍ നീക്കത്തിനെതിരെ ഫെഡറേഷന്‍ ഓഫ് ഓള്‍ കേരള യൂനിവേഴ്സിറ്റി എംപ്ലോയീസ് ഓര്‍ഗനൈസേഷന്‍സ് (എഫ്.യു.ഇ.ഒ) ശക്തമായ പ്രതിഷേധം രേഖപ്പെടുത്തി. പെന്‍ഷന്‍ ഫണ്ട് രൂപവത്​കരണ ഉത്തരവിനെതിരെയും സ്വകാര്യ സര്‍വകലാശാലകളെ കേരളത്തിന്‍റെ മണ്ണില്‍ വളരാനനുവദിക്കുന്ന സര്‍ക്കാര്‍ നയത്തിനെതിരെയും കേരളത്തിലെ മുഴുവന്‍ സര്‍വകലാശാലകളിലും പ്രതിഷേധ ധര്‍ണ നടത്തുമെന്നും എഫ്.യു.ഇ.ഒ പ്രസിഡന്‍റ് കെ. പ്രവീണ്‍കുമാര്‍, ജനറല്‍ സെക്രട്ടറി സെബാസ്റ്റ്യന്‍, ട്രഷറര്‍ ജയന്‍ ചാലില്‍ തുടങ്ങിയവര്‍ അറിയിച്ചു.