തെങ്ങുകയറ്റ കര്‍ഷകര്‍ക്ക് പരിശീലനം നല്‍കി

തെങ്ങുകയറ്റ കര്‍ഷകര്‍ക്ക് പരിശീലനം ചേലേമ്പ്ര: ചേലേമ്പ്ര ഗ്രാമ പഞ്ചായത്തില്‍ കേരഗ്രാമ പദ്ധതി പ്രകാരം തെങ്ങ് കയറ്റ യന്ത്രം നല്‍കിയ കര്‍ഷകര്‍ക്ക് യന്ത്രം ഉപയോഗിക്കുന്നതിനുള്ള പരിശീലനം നല്‍കി. പദ്ധതി പ്രകാരം 2600 രൂപ വിലയുള്ള യന്ത്രം 2000 രൂപ സബ്‌സിഡി നല്‍കി 600 രൂപ ഗുണഭോക്തൃവിഹിതം ഈടാക്കി 57 കര്‍ഷകര്‍ക്കാണ് നല്‍കിയത്. കൃഷിഭവന്റെ ആഭിമുഖ്യത്തില്‍ സംഘടിപ്പിച്ച ഏകദിന പരിശീലന പരിപാടി ഗ്രാമ പഞ്ചായത്ത് പ്രസിഡന്റ് എ.പി. ജമീല ഉദ്ഘാടനം ചെയ്തു. വൈസ് പ്രസിഡന്റ്​ കെ.പി. ദേവദാസ് അധ്യക്ഷത വഹിച്ചു. സ്ഥിരം സമിതി ചെയര്‍മാന്‍ ഇഖ്ബാല്‍ പൈങ്ങോട്ടൂര്‍, കൃഷി ഓഫിസര്‍ നീനു രവീന്ദ്രന്‍, എം. പ്രതീഷ്, സി. ഹസ്സന്‍, പി. രഞ്ജിത്ത്, എ. ബാലകൃഷ്ണന്‍, അബ്ദുറഹിമാന്‍ എന്നിവർ സംസാരിച്ചു. MT VLKN 4 ചേലേമ്പ്ര പഞ്ചായത്തില്‍ തെങ്ങ് കയറ്റ യന്ത്രം നല്‍കിയ കര്‍ഷകര്‍ക്ക് യന്ത്രം ഉപയോഗിക്കുന്നതിനുള്ള പരിശീലനം ഗ്രാമ പഞ്ചായത്ത് പ്രസിഡന്റ് എ.പി. ജമീല ഉദ്ഘാടനം ചെയ്യുന്നു