പറവകൾക്ക് ജീവാമൃതമൊരുക്കി വിദ്യാർത്ഥികൾ

പറവകൾക്ക് ജീവാമൃതമൊരുക്കി വിദ്യാർഥികൾ കാളികാവ്: പുല്ലങ്കോട് ഗവ. ഹയർ സെക്കൻഡറി സ്കൂൾ എൻ.എസ്.എസ് യൂനിറ്റിന്റെ നേതൃത്വത്തിൽ പറവകൾക്ക് ദാഹജലമൊരുക്കുന്ന 'ജീവാമൃതം' പദ്ധതി നടപ്പാക്കി. കടുത്ത വേനൽ ചൂടിൽ ദാഹജലം ലഭിക്കാതെ പക്ഷികൾക്ക് ജീവനാശം സംഭവിക്കുന്ന പശ്ചാത്തലത്തിലാണ് പദ്ധതി നടപ്പാക്കുന്നത്. പൊതു സ്ഥലങ്ങളും വീടുകളും കേന്ദ്രീകരിച്ച് നടക്കുന്ന പരിപാടിയിൽ മുഴുവൻ വളന്‍റിയർമാരും ഭാഗമാകും. പ്രോഗ്രാം ഓഫിസർ അബ്ദുൽ അസീസ് ഓത്തുപള്ളി, വളന്‍റിയർ ലീഡർമാരായ കെ.വി. മുഹമ്മദ് അദ്നാൻ, കെ.എസ്. അഞ്ജന, എം. ആദിൽ, റോസ് മേരി ഷാജു എന്നിവർ നേതൃത്വം നൽകി. kkv vellam .jpg പുല്ലങ്കോട് ഗവ. ഹയർ സെക്കൻഡറി സ്കൂൾ എൻ.എസ്.എസ് യൂനിറ്റിന്റെ നേതൃത്വത്തിൽ പറവകൾക്ക് ദാഹജലമൊരുക്കുന്നു