വനിതകൾക്ക്​ തൊഴിലധിഷ്ഠിത കോഴ്സ്​: അപേക്ഷ ക്ഷണിച്ചു

വാഴക്കാട്: കേരള സർക്കാർ സ്ഥാപനങ്ങളായ കേരള അക്കാദമി ഫോർ സ്കിൽ എക്സലൻസും ഐ.എച്ച്.ആർ.ഡിയും ചേർന്ന്​ ഐ.എച്ച്.ആർ.ഡിയുടെ വാഴക്കാട് ടെക്നിക്കൽ ഹയർസെക്കൻഡറി സ്കൂളിൽ വനിതകൾക്കായി ആരംഭിക്കുന്ന സൗജന്യ തൊഴിലധിഷ്ഠിത കോഴ്സിലേക്ക് അപേക്ഷ ക്ഷണിച്ചു. അപേക്ഷ സ്വീകരിക്കുന്ന അവസാന തീയതി മാർച്ച് ഏഴ്. ഫോൺ: 8547005009 04832725215. അനുശോചിച്ചു കൊണ്ടോട്ടി: നടിയും കേരള സംഗീത നാടക അക്കാദമി ചെയര്‍പേഴ്‌സനുമായിരുന്ന കെ.പി.എ.സി ലളിതയുടെ വിയോഗത്തില്‍ മഹാകവി മോയിന്‍കുട്ടി വൈദ്യര്‍ മാപ്പിള കല അക്കാദമി അനുശോചിച്ചു. യോഗത്തില്‍ ചെയര്‍മാന്‍ ഡോ. ഹുസൈന്‍ രണ്ടത്താണി അധ്യക്ഷത വഹിച്ചു. സെക്രട്ടറി റസാഖ് പയ​മ്പ്രോട്ട്, പുലിക്കോട്ടില്‍ ഹൈദരാലി, ഫൈസല്‍ എളേറ്റില്‍, ബാപ്പു വാവാട്, കെ.എ. ജബ്ബാര്‍, എം.കെ. ജയഭാരതി, രാഘവന്‍ മാടമ്പത്ത്, ഒ.പി. മുസ്തഫ എന്നിവര്‍ സംസാരിച്ചു. ആരോഗ്യ സര്‍വേ പുളിക്കല്‍: കൊടികുത്തിപ്പറമ്പ് അന്‍സാര്‍ ഇംഗ്ലീഷ് സ്കൂൾ ഹെല്‍ത്ത് ക്ലബിന്റെ ആഭിമുഖ്യത്തില്‍ വിദ്യാര്‍ഥികള്‍ ആരോഗ്യ സര്‍വേ നടത്തി. 'പൊതുജനങ്ങളുടെയും കുട്ടികളുടെയും ആരോഗ്യ സംരക്ഷണം' വിഷയത്തിലായിരുന്നു വിവര ശേഖരണം. മക്കക്കാട്, ചേവായൂര്‍ ഭാഗങ്ങളിലെ 150 കുടുംബങ്ങളില്‍നിന്ന് 25 വിദ്യാര്‍ഥികളാണ് വിവരങ്ങള്‍ ശേഖരിച്ചത്. ഹെല്‍ത്ത് ക്ലബ്​ സെക്രട്ടറി നിയ ഫാത്തിമ ബോധവത്​കരണ ക്ലാസെടുത്തു.