വിറകുപുരക്ക്​ തീപിടിച്ചു

തൃശൂർ: മാലിന്യത്തിൽനിന്ന്​ വിറകുപുരയിലേക്ക്​ തീപടർന്നു. കൂർക്കഞ്ചേരി സോമിൽ റോഡിന് സമീപം 115ാം നമ്പർ വീട്ടിൽ അബ്ദുൽ അസീസിന്‍റെ വിറകുപുരയാണ് കത്തി നശിച്ചത്. അഗ്നിരക്ഷസേന എത്തി തീയണച്ചു. ഞായറാഴ്ച രാത്രി 8.45നാണ് സംഭവം. വീടുപണി കഴിഞ്ഞുള്ള മാലിന്യങ്ങളെല്ലാം കൂട്ടിയിട്ട്​ കത്തിച്ചതിൽനിന്നാണ് തീ പടർന്നത്. അഗ്നിരക്ഷസേനയുടെ ഫയർ എൻജിൻ കടന്നുപോവാനുള്ള വഴി ഇല്ലാത്തതിനാൽ അയൽവീട്ടിലെ ഹോസ് ഉപയോഗിച്ച് ഒരു മണിക്കൂറോളം സമയമെടുത്താണ് തീയണച്ചത്.