ആശുപത്രിയിലെ അക്രമം: ഒരാൾ അറസ്റ്റിൽ

പെരിന്തൽമണ്ണ: ഇ.എം.എസ് ആശുപത്രിയിൽ യുവതിയുടെ മരണവുമായി ബന്ധപ്പെട്ട് അക്രമം നടത്തിയ സംഭവത്തിൽ ഒരാൾ അറസ്റ്റിൽ. താഴേക്കോട് കാപ്പുമുഖം കുഴിയിൽപീടിക മുഹമ്മദ് ഷർഷാദിനെയാണ് (23) പെരിന്തൽമണ്ണ എസ്.ഐ സി.കെ. നൗഷാദ് അറസ്റ്റ് ചെയ്തത്. വെള്ളിയാഴ്ച രാവിലെയാണ് ഏതാനും പേർ ആശുപത്രിയിൽ അതിക്രമിച്ചു കയറി ​അക്രമം നടത്തിയത്. സംഭവത്തിൽ 15 പേർക്കെതിരെ പെരിന്തൽമണ്ണ പൊലീസ് കേസെടുത്തിരുന്നു.