തെരുവുനായ്​ ശല്യം: നിവേദനം നൽകി

മലപ്പുറം: മേൽമുറി അധികാരിത്തൊടി അങ്ങാടിയിലും പരിസര പ്രദേശങ്ങളിലും തെരുവുനായ്​ ശല്യം വർധിക്കുന്നു. ഇത്​ കാൽനടയാത്രക്കാർക്കും വിദ്യാർഥികൾക്കും ഭീഷണിയായിരിക്കുകയാണ്​. ഇതിനെതിരെ നടപടി ആവശ്യപ്പെട്ട് മാക് കൂട്ടായ്മ മുനിസിപ്പൽ ചെയർമാൻ മുജീബ് കാടേരിക്കും വാർഡ് കൗൺസിലർമാരായ നാണത്ത് സമീറ മുസ്തഫ, കദീജ മുസ്​ലിയാരകത്ത്, നാജിയ ഷിഹാർ എന്നിവർക്കും നിവേദനം നൽകി. എ.പി. നാസര്‍, ജയേഷ്, കെ.കെ. നാസര്‍ എന്നിവർ സംബന്ധിച്ചു.