എഫ്.എൻ.ബി എൻട്രൻസ്: അഞ്ചാം റാങ്ക് തിളക്കത്തിൽ ഡോ. ഫസൽ റഹ്മാൻ

കോട്ടക്കൽ: സൂപ്പർ സ്​പെഷാലിറ്റികൾക്കുള്ള എഫ്.എൻ.ബി അഖിലേന്ത്യ എൻട്രൻസ് പരീക്ഷയിൽ കോട്ടക്കൽ സ്വദേശിയായ യുവ ഡോക്ടർക്ക് അഞ്ചാം റാങ്ക്. ഡോ. ഫസൽ റഹ്മാനാണ് മികച്ച വിജയത്തിന് അർഹനായത്. സ്​പൈൻ സർജറി, അർത്രോപ്ലാസ്റ്റി, സ്​പോർട്സ് ഇഞ്ചുറി വിഭാഗങ്ങളിലാണ് നേട്ടം. 2019ലെ എം.എസ് ഓർത്തോ പരീക്ഷയിൽ ഗോൾഡ് മെഡലോടുകൂടി ഒന്നാം റാങ്കും 2020ൽ നടന്ന എം.ആർ.സി.എസ് പാർട്ട്-1 പരീക്ഷയിൽ അന്താരാഷ്ട്രതലത്തിൽ ഒന്നാം റാങ്കും നേടിയിട്ടുണ്ട്. കോട്ടക്കൽ നേഹ ഹോസ്പിറ്റൽ ഡയറക്ടർമാരായ ഡോ. അബ്ദുറഹ്മാൻ -ഡോ. മുംതാസ് റഹ്മാൻ ദമ്പതികളുടെ മകനാണ്. ഭാര്യ: റഷ പർവീൻ (വി.കെ.സി ഗ്രൂപ്). സഹോദരി: നേഹ റഹ്മാൻ. kkl 201 ഡോ. ഫസൽ റഹ്മാൻ