ഉന്നാവോയിൽ കാണാതായ ദലിത് യുവതി​യുടെ മൃതദേഹം മുൻമന്ത്രിയുടെ സ്ഥലത്തുനിന്ന് കണ്ടെത്തി

ഉ​ന്നാ​വോ (യു.​പി): ര​ണ്ടു മാ​സം മു​മ്പ് കാ​ണാ​താ​യ 22 കാ​രി​യാ​യ ദ​ലി​ത് യു​വ​തി​യു​ടെ അ​ഴു​കി​യ മൃ​ത​ദേ​ഹം മു​ൻ മ​ന്ത്രി​യു​ടെ ഉ​ട​മ​സ്ഥ​ത​യി​ലു​ള്ള സ്ഥ​ല​ത്തു​നി​ന്ന് ക​ണ്ടെ​ടു​ത്തു. കേ​സി​ലെ മു​ഖ്യ​പ്ര​തി​യാ​യ ര​ജോ​ൾ സി​ങ്ങി​ന്റെ പി​താ​വും സ​മാ​ജ്‌​വാ​ദി പാ​ർ​ട്ടി മു​ൻ മ​ന്ത്രി​യു​മാ​യ അ​ന്ത​രി​ച്ച ഫ​ത്തേ ബ​ഹാ​ദൂ​ർ സി​ങ് നി​ർ​മി​ച്ച ആ​ശ്ര​മ​ത്തി​ന് സ​മീ​പ​മു​ള്ള ഒ​ഴി​ഞ്ഞ സ്‍ഥ​ല​ത്തു​നി​ന്നാ​ണ് മൃ​ത​ദേ​ഹം ല​ഭി​ച്ച​ത്. പോ​സ്റ്റ്‌​മോ​ർ​ട്ടം ന​ട​പ​ടി​ക​ൾ പു​രോ​ഗ​മി​ക്കു​ക​യാ​ണെ​ന്നും പൊ​ലീ​സ് പ​റ​ഞ്ഞു. റി​മാ​ൻ​ഡി​ലാ​യി​രു​ന്ന ര​ജോ​ൾ സി​ങ്ങി​നെ ചോ​ദ്യം​ചെ​യ്ത​പ്പോ​ൾ ല​ഭി​ച്ച വി​വ​ര​ങ്ങ​ളു​ടെ അ​ടി​സ്ഥാ​ന​ത്തി​ലാ​ണ് വ്യാ​ഴാ​ഴ്ച മൃ​ത​ദേ​ഹം ക​ണ്ടെ​ടു​ത്ത​ത്. ഫെ​ബ്രു​വ​രി നാ​ലി​ന് എ​ട്ടു​മ​ണി​ക്കൂ​റോ​ളം ര​ജോ​ളി​​നെ ചോ​ദ്യം​ചെ​യ്ത​പ്പോ​ഴാ​ണ് കൊ​ല​പാ​ത​ക​ത്തി​​ന്റെ ചു​രു​ള​ഴി​ഞ്ഞ​ത്. യു​വ​തി​യെ ആ​ശ്ര​മ​ത്തി​ലേ​ക്ക് വി​ളി​ച്ചു​വ​രു​ത്തി​യ ര​ജോ​ൾ കൂ​ട്ടാ​ളി​യാ​യ സു​രാ​ജു​മാ​യി ചേ​ർ​ന്ന് ക​ഴു​ത്തു​ഞെ​രി​ച്ചു​കൊ​ന്ന​ശേ​ഷം മൃ​ത​ദേ​ഹം ക​മ്പി​ളി​പ്പു​ത​പ്പി​ൽ പൊ​തി​ഞ്ഞ് സെ​പ്റ്റി​ക് ടാ​ങ്കി​ൽ മ​റ​വു ചെ​യ്യു​ക​യാ​യി​രു​ന്നു​വെ​ന്ന് ഉ​ന്നാ​വോ എ.​എ​സ്.​പി ശ​ശി ശേ​ഖ​ർ സി​ങ് അ​റി​യി​ച്ചു. ക​ബ്ബ ഖേ​ഡ പ്ര​ദേ​ശ​ത്തെ ആ​ശ്ര​മ​ത്തി​ന​ടു​ത്തു​ള്ള ഒ​ഴി​ഞ്ഞ പ​റ​മ്പി​ലെ സെ​പ്റ്റി​ക് ടാ​ങ്കി​ലാ​ണ് മൃ​ത​ദേ​ഹം മ​റ​വു​ചെ​യ്ത​ത്. ഈ ​സ്ഥ​ലം തി​രി​ച്ച​റി​യാ​ൻ പ്ര​ദേ​ശി​ക ര​ഹ​സ്യാ​ന്വേ​ഷ​ണ വി​ഭാ​ഗ​വും മൊ​ബൈ​ൽ നി​രീ​ക്ഷ​ണ​വും ഉ​പ​യോ​ഗി​ച്ച​താ​യി എ.​എ​സ്.​പി പ​റ​ഞ്ഞു. അ​തേ​സ​മ​യം, ഇ​ര​യു​ടെ കു​ടും​ബ​ത്തി​ന് നീ​തി ഉ​റ​പ്പാ​ക്കാ​ൻ കു​റ്റ​ക്കാ​ർ​ക്കെ​തി​രെ ക​ർ​ശ​ന നി​യ​മ​ന​ട​പ​ടി സ്വീ​ക​രി​ക്ക​ണ​മെ​ന്ന് സ​മാ​ജ്‌​വാ​ദി പാ​ർ​ട്ടി​യെ ല​ക്ഷ്യ​മി​ട്ട് ബി.​എ​സ്.​പി അ​ധ്യ​ക്ഷ മാ​യാ​വ​തി ആ​വ​ശ്യ​പ്പെ​ട്ടു. ഡി​സം​ബ​ർ എ​ട്ടി​ന് യു​വ​തി​യെ കാ​ണാ​താ​യ​തി​ന്റെ പി​റ​കെ, മ​ക​ളെ മു​ൻ മ​ന്ത്രി​യു​ടെ മ​ക​ൻ ര​ജോ​ൾ സി​ങ് ത​ട്ടി​ക്കൊ​ണ്ടു​പോ​യ​താ​യി മാ​താ​വ് ആ​രോ​പി​ച്ചി​രു​ന്നു. ലോ​ക്ക​ൽ പൊ​ലീ​സി​നും മു​തി​ർ​ന്ന ഉ​ദ്യോ​ഗ​സ്ഥ​ർ​ക്കും പ്ര​തി​യാ​യ ര​ജോ​ളി​നെ​തി​രെ​യും ന​ട​പ​ടി ആ​വ​ശ്യ​പ്പെ​ട്ട് പ​രാ​തി​യും ന​ൽ​കി. പി​ന്നീ​ട് പൊ​ലീ​സ് അ​ലം​ഭാ​വം ആ​രോ​പി​ച്ച് മാ​താ​വ് ല​ഖ്‌​നോ​വി​ൽ എ​സ്.​പി അ​ധ്യ​ക്ഷ​ൻ അ​ഖി​ലേ​ഷ് യാ​ദ​വി​ന്റെ വാ​ഹ​ന​ത്തി​ന് മു​ന്നി​ൽ ജ​നു​വ​രി 24ന് ​സ്വ​യം തീ​കൊ​ളു​ത്താ​ൻ ശ്ര​മി​ച്ചു. തു​ട​ർ​ന്ന് അ​ന്നു​ത​ന്നെ ര​ജോ​ൾ സി​ങ്ങി​നെ പൊ​ലീ​സ് അ​റ​സ്റ്റ് ചെ​യ്യു​ക​യാ​യി​രു​ന്നു.