കായകൽപ് അവാർഡ് തിളക്കത്തിൽ വാഴക്കാട് കുടുംബാരോഗ്യ കേന്ദ്രം

വാഴക്കാട്: സംസ്ഥാന കായകൽപ് അവാർഡിന്‍റെ തിളക്കത്തിൽ വാഴക്കാട് കുടുംബാരോഗ്യ കേന്ദ്രം. സർക്കാർ ആരോഗ്യ സ്ഥാപനങ്ങളിലെ ശുചിത്വം, പരിപാലനം, അണുബാധ നിയന്ത്രണം എന്നിവ വിലയിരുത്തി പ്രോത്സാഹിപ്പിക്കാൻ സർക്കാർ ഏർപ്പെടുത്തിയ അവാർഡാണിത്​. രണ്ട് രക്ഷം രൂപയാണ് സമ്മാനത്തുക. കേരളത്തിലെ ജില്ല ആശുപത്രികൾ, താലൂക്ക് ആശുപത്രികൾ, സാമൂഹികാരോഗ്യ കേന്ദ്രങ്ങൾ, പ്രാമികാരോഗ്യ കേന്ദ്രങ്ങൾ, നഗര പ്രാഥമികാരോഗ്യ കേന്ദ്രങ്ങൾ എന്നിവയിൽനിന്ന്​ തിരഞ്ഞെടുക്കുന്ന മികച്ച ആശുപത്രികൾക്കാണ് കായകൽപ് അവാർഡ് നൽകുന്നത്. മെഡിക്കൽ ഓഫിസർ ഡോ. ബൈജുവിന്റെ നേതൃത്വത്തിൽ നടന്ന പ്രവർത്തനങ്ങളാണ്​ അവാർഡിന്​ അർഹമാക്കിയത്​. ഇദ്ദേഹം ഓമാനൂർ കമ്യൂണിറ്റി അശുപത്രിയിൽ മെഡിക്കൽ ഓഫിസറായിരിക്കെ അവിടെയും ഇതേ അവാർഡ് എത്തിച്ചിരുന്നു. ചിത്രം: me vazhakkad health centre വാഴക്കാട് കുടുംബാരോഗ്യ കേന്ദ്രം