ഖാദി വിപണന മേളക്ക് തുടക്കം

തൃശൂർ: ജില്ല ഖാദി ഗ്രാമ വ്യവസായ ഓഫിസിന്‍റെ നേതൃത്വത്തിൽ കലക്ടറേറ്റ് പരിസരത്ത് സംഘടിപ്പിച്ച ഖാദി വിപണന മേള മന്ത്രി കെ. രാധാകൃഷ്ണൻ ഉദ്ഘാടനം ചെയ്തു. ജില്ല കലക്ടർ ഹരിത വി. കുമാർ മുഖ്യാതിഥിയായി. ഫെബ്രുവരി 14 വരെ നടക്കുന്ന ഖാദിയുടെ സർവോദയ പക്ഷത്തിന്‍റെ ഭാഗമായാണ് വിപണന മേള സംഘടിപ്പിച്ചത്. പ്രോജക്ട് ഓഫിസർ എസ്. സജീവ്, വില്ലേജ് ഇൻഡസ്ട്രീസ് ഓഫിസർ മിനി, സീനിയർ കോ ഓപറേറ്റിവ് ഇൻസ്പെക്ടർ ജോസഫ്, ബോർഡ് വിൽപനശാല മനേജർ മുരളി, ഖാദി ബോർഡ് ജീവനക്കാർ തുടങ്ങിയവർ പങ്കെടുത്തു.