ഐ.ടി.ഐ. റോഡ് നിർമ്മാണം പൂർത്തിയായി

ഐ.ടി.ഐ. റോഡ് നിർമാണം പൂർത്തിയായി എടവണ്ണപ്പാറ: എളമരം തടായിയിലെ വാഴക്കാട് ഐ.ടി.ഐ റോഡ് നിർമാണം പൂർത്തിയായി. ബ്ലോക്ക് ഫണ്ടിൽ നിന്ന് ലഭിച്ച അഞ്ച് ലക്ഷം രൂപ വകയിരുത്തിയാണ് റോഡ് നിർമാണം. എളമരം-കരിയാത്തൻകുഴി വഴിയുള്ള റോഡ് രണ്ട് ദിവസംകൊണ്ടാണ് പൂർത്തീകരിച്ചത്. കെട്ടിട നിർമാണത്തിനുള്ള സ്ഥലം വാഴക്കാട് ഗ്രാമ പഞ്ചായത്ത് റവന്യു നടപടികൾ പൂർത്തീകരിച്ച് ഐ.ടി.ഐക്ക് നേരത്തെ കൈമാറിയിരുന്നു. ആറ്​ മീറ്റർ വീതിയിലുള്ള റോഡിലെ മൂന്നര മീറ്ററിലാണ്​ ടാറിങ് നടന്നത്. കെട്ടിട നിർമാണത്തിനായി ആറര കോടി രൂപ നീക്കിവെച്ചിട്ടുണ്ട്. ഐ.ടി.ഐ. താൽക്കാലികമായി വാഴക്കാട് ദാറുൽ ഉലൂമിലാണ് പ്രവർത്തിച്ച് വരുന്നത്. me iti road നിർമാണം പൂർത്തിയായ വാഴക്കാട് ഐ.ടി.ഐ റോഡ്