കരിപ്പൂരിൽ ബി.സി.എ.എസ്​ സുരക്ഷ പരിശോധന

കരിപ്പൂർ: കോഴിക്കോട്​ വിമാനത്താവളത്തിൽ ബ്യൂറോ ഓഫ്​ സിവിൽ ഏവിയേഷൻ സെക്യൂരിറ്റി (ബി.സി.എ.എസ്​) സുരക്ഷ പരിശോധന നടത്തി. ഡെപ്യൂട്ടി ഡയറക്ടർ പി.യു. മത്തായിയുടെ നേതൃത്വത്തിലാണ്​ ​ചൊവ്വാഴ്ച രാവിലെ മുതൽ പരിശോധന നടന്നത്​. വാർഷിക വിലയിരുത്തലിന്‍റെ ഭാഗമായാണ്​ ഭൗതിക സൗകര്യങ്ങൾ, മികവുകൾ, പോരായ്മകൾ എന്നിവ വിലയിരുത്തിയത്​. വ്യോമഗതാഗത വിഭാഗം, അഗ്​നിരക്ഷാസേന, കമ്യൂണിക്കേഷൻ ആൻഡ്​ നാവിഗേഷൻ തുടങ്ങിയവയുടെ പ്രവർത്തനവും പരിശോധിച്ചു. തിരുവനന്തപുരം, കൊച്ചി വിമാനത്താവളങ്ങളിലെ പരിശോധനക്ക്​ ശേഷമായിരുന്നു കരിപ്പൂരിലെ സുരക്ഷ പരിശോധന.