വിദ്യാർഥികള്‍ക്ക് ധനസഹായം

മലപ്പുറം: വിധവകളായ സ്ത്രീകളുടെ മക്കള്‍ക്ക് ഉന്നത വിദ്യാഭ്യാസത്തിന് ധനസഹായം നല്‍കുന്ന പടവുകള്‍ പദ്ധതിയുടെ ഭാഗമായി 2021-22 വര്‍ഷത്തേക്ക് 16 വിദ്യാര്‍ഥികള്‍ക്ക് ധനസഹായം നല്‍കാന്‍ തീരുമാനം. ജില്ല വികസന കമീഷണർ എസ്​. പ്രേംകൃഷ്ണന്‍റെ അധ്യക്ഷതയിൽ ചേര്‍ന്ന യോഗത്തിലാണ് അര്‍ഹരെ തെരഞ്ഞെടുത്തത്. വിവിധ ​പ്രഫഷനല്‍ കോഴ്സുകള്‍ക്ക് പഠിക്കുന്ന വിദ്യാര്‍ഥികള്‍ക്കായി 18 ലക്ഷത്തോളം രൂപയാണ് അനുവദിച്ചത്. ജില്ല വനിത ശിശു വികസന ഓഫിസ് മുഖേനയാണ് പടവുകള്‍ പദ്ധതിയുടെ ഭാഗമായ ധനസഹായത്തിന് അപേക്ഷിക്കുന്നത്.