പൊന്നാനി താലൂക്കിൽ കർശന നിയന്ത്രണം ഏർപ്പെടുത്തും -ജില്ല കലക്​ടർ

പൊന്നാനി: വിദ്യാർഥികളുൾപ്പെടെ കോവിഡ് സ്ഥിരീകരിച്ച സാഹചര്യത്തിൽ പൊന്നാനി താലൂക്ക് പരിധിയിൽ കർശന നിയന്ത്രണങ്ങൾ ഏർപ്പെടുത്തുമെന്ന് ജില്ല കലക്ടർ കെ. ഗോപാലകൃഷ്ണൻ. പൊന്നാനി താലൂക്കിലെ മാറഞ്ചേരി, പെരുമ്പടപ്പ് മേഖലകളിൽ വിദ്യാർഥികൾക്കുൾപ്പെടെ കോവിഡ് സ്ഥിരീകരിച്ച സാഹചര്യത്തിലാണ് കലക്ടർ കെ. ഗോപാലകൃഷ്ണൻ പൊന്നാനിയിലെത്തി സ്ഥിതിഗതികൾ വിലയിരുത്തിയത്. പൊന്നാനി നഗരസഭ ഓഫിസിൽ അടിയന്തര യോഗം വിളിച്ചുചേർക്കുകയും തദ്ദേശ അധ്യക്ഷരിൽനിന്നും വിവിധ വകുപ്പ് മേധാവികളിൽനിന്നും കാര്യങ്ങൾ ചോദിച്ചറിയുകയും ചെയ്തു. കോവിഡ് വ്യാപനമേഖലകളിൽ മൈക്രോ കണ്ടെയിൻമൻെറ് സോണുകൾ ഏർപ്പെടുത്തും. രോഗലക്ഷണങ്ങൾ കാണുന്നവർക്കായി അടിയന്തര പരിശോധനയും നടത്തും. മാറഞ്ചേരി ഗവ. ഹയർ സെക്കൻഡറി സ്കൂളിലെയും വന്നേരി ഹയർ സെക്കൻഡറി സ്കൂളിലെയും ഹയർ സെക്കൻഡറി വിദ്യാർഥികൾക്കും പ്രത്യേക കോവിഡ് പരിശോധന നടത്തും. ടർഫുകൾ ഉൾപ്പെടെയുള്ള വിനോദകേന്ദ്രങ്ങളെല്ലാം അടച്ചിടാനും നിർദേശം നൽകി. മാറഞ്ചേരി സ്കൂളിന് തൊട്ടടുത്ത ട്യൂഷൻ സൻെററിലെ വിദ്യാർഥികളെയും പരിശോധനക്ക് വിധേയമാക്കും. കോവിഡ് സ്ഥിരീകരിച്ച വിദ്യാർഥികളുൾപ്പെടെ ഈ ട്യൂഷൻ സൻെററിലും പഠിക്കുന്നുണ്ടെന്നതി​ൻെറ അടിസ്ഥാനത്തിലാണ് ഇവിടെ പരിശോധന നടത്തുക. എന്നാൽ, ആശങ്കപ്പെടേണ്ട സാഹചര്യമില്ലെന്നും ജാഗ്രത പാലിക്കണമെന്നും കലക്ടർ പറഞ്ഞു.