സ്വർണത്തിളക്കത്തിൽ ഹനാൻ

താനൂർ: പരിശീലത്തിന് നല്ല ഗ്രൗണ്ടില്ല, ഉപകരണങ്ങളും കുറ​െവങ്കിലും ഇതിനെയല്ലാം മറികടന്ന് മുഹമ്മദ് ഹനാൻ നേടിയത് തിളക്കമാർന്ന വിജയം. ദേശീയ ജൂനിയർ അത്‌ലറ്റിക് ചാമ്പ്യൻഷിപ്പിൽ 18 വയസ്സിൽ താഴെയുള്ള ആൺകുട്ടികളുടെ 110 മീറ്റർ ഹർഡിൽസിൽ 13.94 സെക്കൻഡിലാണ് നേട്ടം കൊയ്തത്. സഹോദരനും കായികതാരവുമായ മുഹമ്മദ് ഹർഷാദി​ൻെറ പരീശീലനത്തിലാണ് ഹനാ​ൻെറ വിജയം. ദേവധാർ ഗവ. ഹയർ സെക്കൻഡറി സ്കൂളിലെ പ്ലസ് ടു വിദ്യാർഥിയാണ് ഹനാൻ. സ്കൂൾ അന്താരാഷ്​ട്ര നിലവാരത്തിൽ ഉയർത്തുന്നതി​ൻെറ ഭാഗമായ കെട്ടിടനിർമാണത്തെ തുടർന്ന് സ്കൂൾ ഗ്രാണ്ട് ഇല്ലാതായതോടെ സമീപ പ്രദേശങ്ങളിലും റോഡിലും സ്കൂളിലെ പരിമിതമായ സ്ഥലത്തും പരിശീലനം നടത്തിയാണ് ഹനാൻ മത്സരങ്ങളിൽ പങ്കെടുക്കുന്നത്. 2018-2019 വർഷത്തെ സൗത്ത് സോണിൽ സ്വർണ മെഡൽ, 2019ലെ സംസ്ഥാന സ്കൂൾ കായികമേളയിൽ 100 മീറ്റർ ഓട്ടത്തിൽ സ്വർണ മെഡൽ, ദേശീയ ജൂനിയർ ആൺകുട്ടികളുടെ വിഭാഗത്തിൽ മീറ്റ് റെക്കോഡോടുകൂടി വെങ്കല മെഡൽ എന്നിവയും ഈ മിടുക്കൻ സ്വന്തമാക്കി. ഫോട്ടോ: mw thanoor santhosham pankidunnu മുഹമ്മദ് ഹനാനെ സഹോദരനും പരിശീലകനുമായ മുഹമ്മദ് ഹർഷാദും സുഹൃത്തുക്കളും ചേർന്ന് സന്തോഷം പങ്കിടുന്നു