ഭാഷ സെമിനാർ സംഘടിപ്പിച്ചു

മലപ്പുറം: ഭാഷയുടെ പേരിൽ സങ്കുചിത വികാരങ്ങളുയർത്തി ജനങ്ങളെ വിഭജിക്കാനുള്ള ശ്രമം തിരിച്ചറിയുകയും ഭാഷകളുടെ മതേതര സ്വഭാവം ഉയർത്തിപ്പിക്കാൻ കൂട്ടായ പ്രവർത്തനങ്ങൾ ആരംഭിക്കണമെന്നും കേരള സ്​കൂൾ ടീച്ചേഴ്സ്​ അസോസിയേഷൻ സംഘടിപ്പിച്ച ദേശീയോദ്ഗ്രഥന ഭാഷ സെമിനാർ അഭിപ്രായപ്പെട്ടു. മലപ്പുറം മുനിസിപ്പൽ ബസ്​ സ്​റ്റാൻഡ്​ ഓഡിറ്റോറിയത്തിൽ നടന്ന സെമിനാർ ഉന്നത വിദ്യാഭ്യാസ മന്ത്രി ഡോ. കെ.ടി. ജലീൽ ഉദ്ഘാടനം ചെയ്തു. മലയാള സർവകലാശാല ഡയറക്ടർ അനിൽ ചേലേമ്പ്ര മോഡറേറ്ററായി. കാലിക്കറ്റ് സർവകലാശാല അറബിക് വിഭാഗം അസോ. പ്രഫ. ഡോ. മുഹമ്മദ് ഹനീഫ, ശ്രീശങ്കരാചാര്യ സർവകലാശാല ഉർദു വിഭാഗം റിട്ട. പ്രഫ. ഡോ. വി. നകുലൻ, ശ്രീകേരളവർമ കോളജ് സംസ്​കൃത വിഭാഗം റിട്ട. പ്രഫ. ഡോ. വി.കെ. വിജയൻ, കോഴിക്കോട്​ ഗവ. ആർട്സ്​ ആൻഡ്​ സയൻസ്​ കോളജ് ഹിന്ദി വിഭാഗം അസോ. പ്രഫ. ഡോ. ശേഷൻ എന്നിവർ പ്രബന്ധം അവതരിപ്പിച്ചു. ജില്ല സെക്രട്ടറി ആർ.കെ. ബിനു സ്വാഗതവും ആർ.എസ്​. അമീന കുമാരി നന്ദിയും പറഞ്ഞു. photo: mm ksta കെ.എസ്​.ടി.എയു​െട നേതൃത്വത്തിൽ മലപ്പുറം മുനിസിപ്പൽ ബസ്​ സ്​റ്റാൻഡ്​ ഓഡിറ്റോറിയത്തിൽ നടന്ന ഭാഷ സെമിനാർ മന്ത്രി ഡോ. കെ.ടി. ജലീൽ ഉദ്ഘാടനം ചെയ്യു​ന്നു