വർണാഭം റിപബ്ലിക് ദിനാഘോഷം

വർണാഭം, റിപ്പബ്ലിക് ദിനാഘോഷം മലപ്പുറം: ഇന്ത്യയുടെ 72ാം റിപ്പബ്ലിക് ദിനാഘാഷം കോവിഡ് ജാഗ്രതകൾക്കിടെ വർണാഭമായി ആഘോഷിച്ചു. ജില്ല സാക്ഷരതാ മിഷൻ ഭരണഘടന സാക്ഷരതാ പരിപാടിയുടെ ഭാഗമായി എല്ലാ തദ്ദേശസ്വയംഭരണ സ്ഥാപനങ്ങളിലും 'ഇന്ത്യ എന്ന റിപ്പബ്ലിക്' പുസ്തകവായന സംഘടിപ്പിച്ചു. ജില്ലതല ഉദ്ഘാടനം മലപ്പുറത്ത് ജില്ല പഞ്ചായത്ത് പ്രസിഡൻറ് എം.കെ. റഫീഖ നിര്‍വഹിച്ചു. ജില്ല പഞ്ചായത്ത് അംഗം പി.വി. മനാഫ് അധ്യക്ഷത വഹിച്ചു. 'അതിജീവിക്കാം തുല്യതയിലൂടെ' എന്ന്​ കാമ്പയിന് പേര് നിര്‍ദേശിച്ച വേങ്ങര ബ്ലോക്ക് നോഡല്‍ പ്രേരക് പി. അബിദക്ക് സമ്മാനം നല്‍കി. ജില്ല പഞ്ചായത്ത് അംഗങ്ങളായ വി.കെ.എം. ഷാഫി, യാസ്മിന്‍ അരിമ്പ്ര, ഷഹര്‍ബാന്‍, ടി.പി. ഹാരിസ്, കെ. മൊയ്തീന്‍കുട്ടി എന്നിവര്‍ സംസാരിച്ചു. സാക്ഷരതമിഷന്‍ ജില്ല കോഓഡിനേറ്റര്‍ സി. അബ്​ദുല്‍ റഷീദ്, അസി. കോ-ഓഡിനേറ്റര്‍ എം. മുഹമ്മദ് ബഷീര്‍ തുടങ്ങിയവര്‍ സംസാരിച്ചു. മലപ്പുറം: കോട്ടക്കുന്ന് ജൂബിലി അയല്‍ക്കൂട്ടം റിപ്പബ്ലിക്​ ദിനത്തോടനുബന്ധിച്ച് മുതിര്‍ന്ന അയല്‍ക്കൂട്ട അംഗങ്ങളെ ആദരിച്ചു. വാര്‍ഡ് കൗണ്‍സിലര്‍ സബീര്‍ ഉദ്ഘാടനം ചെയ്തു. ഹസീന മലയില്‍ അധ്യക്ഷത വഹിച്ചു. കെ.കെ. വിലാസിനി സ്വാഗതവും പി.പി. ശ്രീകല നന്ദിയും പറഞ്ഞു. ബാബുരാജ് കോട്ടക്കുന്ന്, മലയില്‍ ഹംസ, നഫീസ, റൂഖിയ തുടങ്ങിയവര്‍ സംസാരിച്ചു. ദേശീയോദ്ഗ്രഥന ഓണ്‍ലൈന്‍ കലാമത്സരവിജയികള്‍ക്കുള്ള സമ്മാനവിതരണവും നടന്നു. തുടര്‍ന്ന് ദേശീയോദ്ഗ്രഥന ഗാനവും മാജിക്കും അരങ്ങേറി. മലപ്പുറം: കോട്ടക്കുന്ന് റെസിഡൻറ്സ് അസോസിയേഷന്‍ റിപ്പബ്ലിക് ദിനാഘോഷം സംഘടിപ്പിച്ചു. കോട്ടക്കുന്ന് അംഗൻവാടിയില്‍ കൗണ്‍സിലര്‍ സബീര്‍ പതാക ഉയര്‍ത്തി. ബാബുരാജ് കോട്ടക്കുന്ന് അധ്യക്ഷത വഹിച്ചു. സുലോചന സ്വാഗതവും സീന സുനില്‍ നന്ദിയും പറഞ്ഞു. മലയില്‍ ഹംസ മുഖ്യപ്രഭാഷണം നടത്തി. ഡോ. വിഷ്ണു രാധാകൃഷ്ണന്‍, അനില്‍ പത്മനാഭൻ, എക്‌സി. അംഗങ്ങളായ മുനീര്‍ തച്ചങ്ങോടന്‍, കെ. വിനോദ്, ഇ. സുധാകരന്‍ തുടങ്ങിയവര്‍ സംസാരിച്ചു. ആര്‍ട്ടിസ്​റ്റ്​ ദയാനന്ദന്‍ മുഖ്യാതിഥിയായി.