പൊന്നാനി ഹാര്‍ബര്‍ - പടിഞ്ഞാറെക്കര ഹൗറ മോഡല്‍ തൂക്കുപാലം: സർവേ രണ്ടാഴ്​ചക്കകം മന്ത്രി കെ.ടി. ജലീലി​െൻറ നേതൃത്വത്തില്‍ യോഗം ചേര്‍ന്നു

ALERT പൊന്നാനി ഹാര്‍ബര്‍ - പടിഞ്ഞാറെക്കര ഹൗറ മോഡല്‍ തൂക്കുപാലം: സർവേ രണ്ടാഴ്​ചക്കകം മന്ത്രി കെ.ടി. ജലീലി​ൻെറ നേതൃത്വത്തില്‍ യോഗം ചേര്‍ന്നു തിരൂർ: പൊന്നാനി ഹാര്‍ബര്‍-പടിഞ്ഞാറെക്കര ഹൗറ മോഡല്‍ തൂക്കുപാലത്തി​ൻെറയും അപ്രോച്ച് റോഡി​ൻെറയും നിര്‍മാണത്തിന് സ്ഥലം ഏറ്റെടുക്കുന്നതുമായി ബന്ധപ്പെട്ട് സ്ഥലമുടമകളുമായി മന്ത്രി കെ.ടി. ജലീലി​ൻെറ അധ്യക്ഷതയില്‍ യോഗം ചേര്‍ന്നു. പുറത്തൂര്‍ വില്ലേജിലെ പടിഞ്ഞാറെക്കര ഭാഗത്ത് പദ്ധതിയുമായി ബന്ധപ്പെട്ട് ഏറ്റെടുക്കേണ്ട 187 സൻെറ്​ ഭൂമിയുടെ ഉടമകളാണ് പടിഞ്ഞാറെക്കര സീസോണ്‍ റിസോര്‍ട്ടില്‍ നടന്ന യോഗത്തില്‍ പങ്കെടുത്തത്. 21 ഭൂവുടമകൾ യോഗത്തില്‍ പങ്കെടുത്തു. ന്യായവില ലഭ്യമാക്കിയാല്‍ സ്ഥലം വിട്ടുനില്‍കാന്‍ തയാറാണെന്ന് സ്ഥലമുടമകള്‍ മന്ത്രിയെ അറിയിച്ചു. ഇത് പ്രകാരം സ്ഥലത്ത് രണ്ടാഴ്ചക്കകം സർവേ നടത്തി ഭൂമി തിട്ടപ്പെടുത്തി നഷ്​ടപരിഹാര തുക തീരുമാനിക്കും. വീട് നഷ്​ടമാകുന്നവര്‍ക്ക് നിലവിലുള്ളതിന് സമാനമായ വീട് നിര്‍മിക്കാനുള്ള തുക തന്നെ സര്‍ക്കാര്‍ നല്‍കുമെന്ന് മന്ത്രി ഉറപ്പ് നല്‍കി. ഈ മാസം അവസാനത്തോടെ നഷ്​ടപരിഹാര തുക സംബന്ധിച്ച് വിവരം ഉടമകളുമായി യോഗം ചേര്‍ന്ന് അറിയിക്കുമെന്നും മന്ത്രി അറിയിച്ചു. പൊന്നാനിയേയും പടിഞ്ഞാറെക്കരയേയും ബന്ധിപ്പിക്കുന്ന ഹൗറ മോഡല്‍ കടല്‍പ്പാലം പദ്ധതിക്കായി 289 കോടി രൂപയാണ് അനുവദിച്ചത്. തിരുവനന്തപുരം-കാസര്‍കോട്​ തീരദേശ ഇടനാഴിയുടെ ഭാഗമായി പൊന്നാനി അഴിമുഖത്തിന് കുറുകെയുള്ള പൊന്നാനി ഹാര്‍ബര്‍-പടിഞ്ഞാറെക്കര തൂക്കുപാലം ഒരു കിലോമീറ്ററോളം നീളത്തിലാണ് നിര്‍മിക്കുക. ഗതാഗതത്തിന് പുറമെ ഏറെ ടൂറിസം സാധ്യത കൂടിയുള്ള പദ്ധതിയാണിത്. തൂക്കുപാലത്തില്‍ കടലിനോട് അഭിമുഖമായി വീതിയില്‍ വാക് വേയും സഞ്ചാരികള്‍ക്ക് ഇരിക്കാനും സൂര്യാസ്തമയം ആസ്വദിക്കുന്നതിനായി സൂര്യാസ്തമന മുനമ്പും ഉള്‍പ്പടെയാണ് നിർദിഷ്​ട പാലം. യോഗത്തില്‍ റോഡ്‌സ് ആൻഡ്​ ബ്രിഡ്ജസ് ഡെവലപ്‌മൻെറ്​ കോര്‍പ്പറേഷന്‍ മാനേജിങ് ഡയറക്ടര്‍ ജാഫര്‍ മലിക്, ഡെപ്യൂട്ടി ജനറല്‍ മാനേജര്‍ അബ്​ദുല്‍ സലാം, ആര്‍.ബി.ഡി.സി ഡെപ്യൂട്ടി കലക്ടര്‍ പി. രാജന്‍, ലാൻഡ്​ അക്യുസിഷന്‍ ഡെപ്യൂട്ടി കലക്ടര്‍ ലത, ലാൻഡ്​ അക്യുസിഷന്‍ തഹസില്‍ദാര്‍ രഘുമണി, ഡെപ്യൂട്ടി തഹസില്‍ദാര്‍ മധു, പുറത്തൂര്‍ വില്ലേജ് ഓഫിസര്‍ ലതിക, വാര്‍ഡ് മെമ്പര്‍ ഹസ്പ്ര യഹിയ തുടങ്ങിയവർ പങ്കെടുത്തു. mw ponnani yogam പൊന്നാനി ഹാര്‍ബര്‍-പടിഞ്ഞാറെക്കര ഹൗറ മോഡല്‍ തൂക്കുപാലത്തി​ൻെറയും അപ്രോച്ച് റോഡി​ൻെറയും നിര്‍മാണത്തിന് സ്ഥലം ഏറ്റെടുക്കുന്നതുമായി ബന്ധപ്പെട്ട് സ്ഥലമുടമകളുമായി മന്ത്രി കെ.ടി. ജലീലി​ൻെറ അധ്യക്ഷതയില്‍ ചേർന്ന യോഗം