കരിപ്പൂരിൽ വലിയ വിമാനം: സുരക്ഷ വിലയിരുത്തൽ തൃപ്​തികരം

* വിമാനക്കമ്പനികൾക്ക്​ പുതിയ എസ്​.ഒ.പി സമർപ്പിക്കാൻ നിർദേശം കരിപ്പൂർ: കോഴിക്കോട്​ വിമാനത്താവളത്തിൽനിന്ന്​ വലിയ വിമാനങ്ങളുടെ സർവിസ്​ ആരംഭിക്കുന്നതിന്​ മ​ുന്നോടിയായി നടത്തിയ സുരക്ഷ വിലയിരുത്തൽ (സേഫ്​റ്റി അസസ്​മൻെറ്​) തൃപ്​തികരം. ചൊവ്വാഴ്​ച വൈകീട്ട്​ മൂന്നിനാണ്​ കരിപ്പൂരിൽ യോഗംചേർന്നത്​. വിമാനത്താവളത്തിലെ ഉന്നത ഉദ്യോഗസ്ഥരുടെയും വിമാനക്കമ്പനി പ്രതിനിധികളുടെയും യോഗത്തിലാണ്​ സുരക്ഷാനടപടി വിലയിരുത്തിയത്​. എയർ ഇന്ത്യ, സൗദി എയർലൈൻസ്​, എമിറേറ്റ്​സ്​, ഖത്തർ എയർവേസ്​ പ്രതിനിധികൾ ഒാൺലൈനായി യോഗത്തിൽ സംബന്ധിച്ചു. എത്ര​ നോട്ടിക്കൽ മൈൽ വേഗത്തിൽ ടെയ്​ൽ വിൻഡിൽ ലാൻഡ്​​ ചെയ്യാൻ പറ്റും, ഒാ​േട്ടാമാറ്റിക്​ ബ്രേക്കിങ്​ സംവിധാനം ഉപയോഗിച്ച്​ ലാൻഡ്​​ ചെയ്യാനാവശ്യമായ റൺവേ നീളം തുടങ്ങിയവ ഉൾപ്പെടുത്തി പുതിയ സ്​റ്റാൻഡേർഡ്​ ഒാപറേറ്റിങ്​ പ്രൊസീഡ്യർ (എസ്​.ഒ.പി) സമർപ്പിക്കാൻ യോഗത്തിൽ വിമാനക്കമ്പനികൾക്ക്​ നിർദേശം നൽകി. വലിയ വിമാനങ്ങൾക്ക്​ ഉൾപ്പെടെ സർവിസ്​ നടത്താനാവശ്യമായ എല്ലാ സുരക്ഷയും കരിപ്പൂരിൽ തയാറാണെന്ന്​ അതോറിറ്റി വിമാനക്കമ്പനി പ്രതിനിധികളെ അറിയിച്ചു. സുരക്ഷ വിലയിരുത്തൽ റിപ്പോർട്ടും വിമാനക്കമ്പനികളുടെ എസ്​.ഒ.പിയും ഉൾപ്പെടെ അന്തിമ അനുമതിക്കായി ഡയറക്​ടറേറ്റ്​ ജനറൽ ഒാഫ്​ സിവിൽ ഏവിയേഷൻ​ (ഡി.ജി.സി.എ) കരിപ്പൂരിൽനിന്ന്​ അന്തിമ റിപ്പോർട്ടും സമർപ്പിക്കും. ഇൗ റിപ്പോർട്ടി​ൻെറ അടിസ്ഥാനത്തിലായിരിക്കും ഡി.ജി.സി.എ അനുമതിനൽകുക​. ആഗസ്​റ്റ്​ ഏഴിലെ വിമാനാപകടത്തി​ൻെറ പശ്ചാത്തലത്തിലാണ്​ കരിപ്പൂരിൽ വലിയ വിമാനങ്ങൾക്ക്​ വീണ്ടും നിയന്ത്രണം ഏർപ്പെടുത്തിയത്​. പിന്നീട്​ പാർല​െമൻറ്​ സ്ഥിരംസമിതി യോഗതീരുമാനത്തി​ൻെറ അടിസ്ഥാനത്തിൽ കരിപ്പൂരിലെ പ്രശ്​നങ്ങൾ പഠിക്കാൻ വ്യോമയാന മന്ത്രാലയം വിദഗ്​ധ സമിതിയെ നിയോഗിച്ചു. ഇവർ നവംബർ 25ന്​ കരിപ്പൂർ സന്ദർശിച്ച്​ വിശദമായ റിപ്പോർട്ട്​ നൽകിയിരുന്നു. ഇവരുടെ റിപ്പോർട്ടിൽ ഉന്നയിച്ചിരിക്കുന്ന പ്രശ്​നങ്ങൾ പരിഹരിച്ച്​ ഡി.ജി.സി.എക്ക്​ ഡിസംബർ 18ന്​ റിപ്പോർട്ട്​ നൽകി. ഇതി​ൻെറ തുടർനടപടികളു​െട ഭാഗമായാണ്​ സുരക്ഷ വിലയിരുത്തൽ യോഗംചേർന്നത്​. യോഗത്തിൽ വിമാനത്താവള ഡയറക്​ടർ കെ. ശ്രീനിവാസ റാവു ഒാൺലൈനായും വ്യോമഗതാഗത വിഭാഗം മേധാവി മുഹമ്മദ്​ ഷാഹിദ്​, സേഫ്​റ്റി മാനേജർ ഒ.വി. മാക്​സിസ്​, സി.എൻ.എസ്​ ​വിഭാഗം ജോ. ജനറൽ മാനേജർ എ. ഹരിദാസ്​ എന്നിവർ സംബന്ധിച്ചു.