മരത്തിൽ കുടുങ്ങിയ ആളെ ഫയർഫോഴ്സ് രക്ഷിച്ചു

പെരിന്തൽമണ്ണ: മരത്തിൽ കുടുങ്ങിയ ആളെ ഫയർഫോഴ്സ് സാഹസികമായി രക്ഷപ്പെടുത്തി. കുളത്തൂർ മൂർക്കനാട് റോഡിൽ ഉച്ചക്ക് ഒന്നരയോടെയാണ് സംഭവം. പഴങ്കളത്തിൽ സുരേഷിൻെറ വീട്ടുവളപ്പിലെ പ്ലാവിൽ ശിഖരങ്ങൾ വെട്ടിമാറ്റാൻ കയറിയ ഗൂഡലൂർ-ദേവാല സ്വദേശി കൃഷ്ണനാണ് മരം വെട്ടുന്നതിനിടയിൽ ഷോൾഡറിലെ തോൾകുഴ തെറ്റി, കൈ അനക്കാനാവാതെ 25 അടിയോളം ഉയത്തിൽ കുടുങ്ങിയത്. നാട്ടുകാർ കയർകൊണ്ട് ബന്ധിച്ചിരുന്നു. സംഭവസ്ഥലത്തെത്തിയ ഫയർ ആൻഡ്​ റസ്ക്യൂ വിഭാഗമാണ് താഴെയിറക്കിയത്. സറ്റേഷൻ ഒാഫിസർ സി. ബാബുരാജി‍ൻെറ നേതൃത്വത്തിൽ സീനിയർ ഫയർ ആൻഡ്​ ​െറസ്ക്യൂ ഒാഫിസർ വി. അബ്​ദുൽ സലീം, പി.ടി. അനീഷ് എന്നിവരാണ് താഴെ ഇറക്കിയത്. തോൾകുഴ തെറ്റിയതിനാൽ ഉടൻ ആശുപത്രിയിലേക്ക് മാറ്റി. മുജീബ് റഹിമാൻ, ഹോംഗാർഡ് ടോമി തോമസ്, ഗോപകുമാർ, സിവിൽ ഡിഫൻസ് വളണ്ടിയർ മുസമ്മിൽ എന്നിവരും പൊലീസും സ്ഥലത്തെത്തിയിരുന്നു.