അധ്യാപക ദിനത്തിൽ മന്ത്രി ജലീലിനെ 'ചട്ടം പഠിപ്പിച്ച്' യൂത്ത് കോൺഗ്രസ്‌

എടപ്പാൾ: വിദേശനാണ്യ വിനിമയ ചട്ടം ലംഘിച്ച് യു.എ.ഇ കോൺസുലേറ്റിൽനിന്ന്​ നിരന്തര സഹായങ്ങൾ കൈപ്പറ്റുകയും പിന്നീട് അതിനെ ന്യായീകരിക്കുകയും ചെയ്യുന്ന മന്ത്രി കെ.ടി. ജലീലിനെ മന്ത്രിസഭയിൽനിന്ന്​ പുറത്താക്കണമെന്നാവശ്യപ്പെട്ട് യൂത്ത് കോൺഗ്രസ്​ മലപ്പുറം ജില്ല കമ്മിറ്റി അധ്യാപക ദിനത്തിൽ ചട്ടം പഠിപ്പിക്കൽ സമരം നടത്തി. തവനൂർ നരിപറമ്പിലെ മന്ത്രി ജലീലി​ൻെറ ഓഫിസിന് മുന്നിൽ നടന്ന സമരം യൂത്ത് കോൺഗ്രസ്‌ സംസ്ഥാന അധ്യക്ഷൻ ഷാഫി പറമ്പിൽ എം.എൽ.എ ഉദ്ഘാടനം ചെയ്തു. ഖുർആൻ വിശ്വാസികളുടെ ജീവിതത്തി​ൻെറ കവചമാണെന്നും മന്ത്രി ജലീൽ അതിനെ സ്വർണക്കടത്തി​ൻെറയും ചട്ട ലംഘനങ്ങളുടെയും കവചമായി ഉപയോഗിക്കാൻ ശ്രമിക്കുന്നുവെന്നും അദ്ദേഹം പറഞ്ഞു. ജില്ല പ്രസിഡൻറ്​‌ ഷാജി പച്ചേരി അധ്യക്ഷത വഹിച്ചു. സംസ്ഥാന വൈസ് പ്രസിഡൻറ്​‌ റിയാസ് മുക്കോളി, ജനറൽ സെക്രട്ടറിമാരായ ഇ.പി. രാജീവ്‌, നൗഫൽ ബാബു, യു.കെ. അഭിലാഷ്, ഒ.കെ. ഫാറൂഖ്, സി.കെ. ഹാരിസ്, സെക്രട്ടറിമാരായ അഡ്വ. എ.എം. രോഹിത്, പി. നിധീഷ്, പി. ഇഫ്തികാറുദ്ദീൻ, സിദ്ദീഖ് പന്താവൂർ, ഷഫീക് കൈമല​ശ്ശേരി, ടി.പി. മുഹമ്മദ്‌, പി. നസ്റു​ല്ല, സി.എം. പുരുഷോത്തമൻ, കെ.എസ്​.യു ജില്ല പ്രസിഡൻറ്​ ഹാരിസ് മുതൂർ തുടങ്ങിയവർ പങ്കെടുത്തു. Phot0: mpg chattam padippikkal samaram യൂത്ത് കോൺഗ്രസ് സംഘടിപ്പിച്ച ചട്ടം പഠിപ്പിക്കൽ സമരം യൂത്ത് കോൺഗ്രസ്‌ സംസ്ഥാന അധ്യക്ഷൻ ഷാഫി പറമ്പിൽ എം.എൽ.എ ഉദ്ഘാടനം ചെയ്യുന്നു