തിരൂരിൽ പ്രാദേശിക ചാനൽ പ്രവർത്തകന് കോവിഡ്

തിരൂർ: തിരൂരിലെ പ്രാദേശിക ചാനൽ പ്രവർത്തകന് കോവിഡ് സ്ഥിരീകരിച്ചു. ഇതേതുടർന്ന് തിരൂർ നഗരസഭ സമുച്ചയത്തിൽ ചെയർമാൻ ഉൾ​െപ്പടെയുള്ളവർ പങ്കെടുത്ത വാർത്തസമ്മേളനം, തിരൂർ പ്രസ്​ ക്ലബിൽ നടന്ന വാർത്തസമ്മേളനം എന്നിവയിൽ പങ്കെടുത്ത മാധ്യമ പ്രവർത്തകർ ഉൾപ്പെടെ ഇരുപത്തഞ്ചോളം പേർ ക്വാറൻറീനിൽ പോകാൻ അധികൃതർ നിർദേശിച്ചു. ചുമയെ തുടർന്ന് നടത്തിയ പരിശോധനയിലാണ് ചാനൽ പ്രവർത്തകന് വ്യാഴാഴ്ച കോവിഡ് സ്ഥിരീകരിച്ചത്.